మదనపల్లెలో మరో ఘోరం.. భార్యను చంపి భర్త నాటకం.. పెళ్లైన ఆర్నెళ్లకే..

చిత్తూరు జిల్లా మదనపల్లెలో మరో అమానుష ఘటన వెలుగుచూసింది. మూఢభక్తి, అంధ విశ్వాసాలతో కన్నకూతుళ్లను పొట్టనబెట్టుకున్న తల్లిదండ్రుల ఘటన మరువక ముందే దారుణ ఘటనతో మదనపల్లో మరోసారి ఉలిక్కిపడింది. ప్రేమించి పెళ్లి చేసుకున్న భార్యని ఆర్నెల్లు తిరక్కుండానే కిరాతకంగా చంపేశాడో కసాయి భర్త. అనంతరం ఆమె ఆత్మహత్య చేసుకుందంటూ హైడ్రామాకు తెరతీసి దొరికిపోయాడు. ఈ అత్యంత దారుణ ఘటన మదనపల్లె మండలంలోని నిరుగట్టువారిపల్లెలో జరిగింది.

గ్రామానికి చెందిన రామాంజనేయులు అదే ప్రాంతానికి చెందిన యువతి ఉమ ప్రేమించుకున్నారు. వివాహ బంధంతో ఒక్కటవ్వాలని నిర్ణయించుకుని ఆర్నెల్ల కిందట పెళ్లి చేసుకున్నారు. అంతలో ఏమైందో తెలియదు ప్రేమించి పెళ్లి చేసుకున్న భార్యను రామాంజనేయులు అమానుషంగా అంతమొందించాడు. ఉమని కిరాతకంగా హత్య చేసి నాటకానికి తెరతీశాడు. తన భార్య ఉరి వేసుకుని ఆత్మహత్య చేసుకుందంటూ నమ్మించే ప్రయత్నం చేశాడు. అయితే ఆమెను హత్య చేసి ఆత్మహత్యగా చిత్రీకరించినట్లు తేలడంతో అడ్డంగా బుక్కయ్యాడు. అసలు భార్యను ఎందుకు చంపేశాడనే విషయం తెలియాల్సి ఉంది.

Also Read: