Tirupati: ముగ్గురు పిల్లలతో తల్లీ మిస్సింగ్.. ఏమయ్యారు?

చిత్తూరు జిల్లా తిరుపతి సమీపంలోని ఏర్పేడులో తల్లీపిల్లల మిస్సింగ్ కలకలం రేపుతోంది. కవల పిల్లలతో సహా తల్లి కనిపించకుండా పోయింది. సీతారాంపేటకి చెందిన గంగయ్య యాదవ్ కుమార్తె సునీతకి ఏర్పేడులోని యాదవ వీధికి చెందిన గురవయ్యతో 14 ఏళ్ల కిందట వివాహమైంది. వారికి ఇద్దరు కవల పిల్లలు నవ్య, నవీన్ యాదవ్(12) సహా లావణ్య(9) ఉన్నారు. భర్తతో గొడవపడిన సునీత పిల్లలను తీసుకుని ఇంటి నుంచి వెళ్లిపోయింది. పిల్లలతో సహా తల్లి కనిపించకుండా పోవడంతో కలకలం రేగింది. కుటుంబ సభ్యులు, బంధువులు చుట్టుపక్కల, తెలిసిన వారి వద్ద ఆచూకీ కోసం ప్రయత్నించినా ఫలితం లేకపోయింది. సునీత తండ్రి గంగయ్య యాదవ్ పోలీసులను ఆశ్రయించారు. తన కూతురు, పిల్లలతో సహా కనిపించకుండా పోయిందని మిస్సింగ్ కంప్లైంట్ ఇచ్చారు. పోలీసులు కేసు నమోదు చేసి దర్యాప్తు చేపట్టారు. ఆమె ఎటైనా వెళ్లిపోయిందా? లేక అఘాయిత్యానికి పాల్పడి ఉంటుందా? అని కుటుంబ సభ్యులు ఆందోళన చెందుతున్నారు.

Also Read: