ట్రైన్ బాత్రూమ్‌లో మర్డర్.! తిరుపతిలో ఘోరం

తిరుపతిలో ఘోరం చోటుచేసుకుంది. ముక్కుపచ్చలారని పసికందుని ట్రైన్ మరుగుదొడ్డిలో హత్య చేసిన షాకింగ్ ఘటన వెలుగుచూసింది. విజయవాడలో శిశువు మృతదేహాన్ని గుర్తించిన రైల్వే పోలీసులు కేసును తిరుపతి రైల్వే పోలీస్ స్టేషన్‌కి బదిలీ చేశారు. తిరుపతి రైల్వే పోలీసుల సమాచారం మేరకు.. యశ్వంత్‌పూర్ నుంచి టాటానగర్‌ వెళ్లే 12890 ట్రైన్ విజయవాడ రైల్వే స్టేషన్‌కి చేరిన సమయంలో బోగీ బాత్రూమ్‌లో ఆడశిశువు మృతదేహాన్ని గుర్తించారు. ప్రయాణికులు గమనించి వెంటనే రైల్వే పోలీసులకు సమాచారం అందించారు. శిశువును హత్య చేసినట్లు గుర్తించిన విజయవాడ రైల్వే పోలీసులు కేసు నమోదు చేసి విచారణ చేపట్టారు. ప్రాథమిక దర్యాప్తులో హత్య తిరుపతి రైల్వే స్టేషన్ పరిధిలో జరిగినట్లు తెలియడంతో కేసును అక్కడికి బదిలీ చేశారు. కేసు విచారణ జరుపుతున్నట్లు పోలీసులు తెలిపారు.

Also Read: