Tirumala శ్రీవారి ప్రత్యేక ప్రవేశ దర్శనం టికెట్ల విడుదలకు లైన్ క్లియర్.. ఆ రోజే రిలీజ్..

Tirumala: తిరుమల శ్రీ వేంకటేశ్వర స్వామి భక్తులకు టీటీడీ ఆఫీసర్లు శుభవార్త చెప్పారు. ప్రత్యేక ప్రవేశ దర్శనం ఆన్‌లైన్‌ కోటా టికెట్లు ఈ నెల 13న ఉదయం 9 గంటలకు విడుదల చేయనున్నట్టు వెల్లడించారు. శ్రీవారి ఆలయంలో బాలాలయం కారణంగా ఫిబ్రవరి 22 నుంచి 28 వరకు రూ.300ల ప్రత్యేక ప్రవేశ దర్శనం కోటా టికెట్లను.. విడుదల చేయలేదు. బాలాలయం కార్యక్రమం వాయిదా పడటంతో.. ఫిబ్రవరి 22 నుంచి 28 వరకు నిలిపివేసిన Special Entry Darshan టికెట్లను విడుదల చేయనున్నట్టు అధికారులు వెల్లడించారు. ఇక మార్చి నెలకు సంబంధించి అంగప్రదక్షిణ టోకెన్ల కోటా, ఈనెల 23 నుంచి 28 వరకు విడుదల చేయని కోటాను ఫిబ్రవరి 11వ తేదీ ఉదయం 11 గంటలకు ఆన్‌లైన్‌లో విడుదల చేయనున్నట్టు టీటీడీ (TTD) అధికారులు చెప్పారు. భక్తులు ఈ విషయాన్ని గమనించి.. ఆన్‌లైన్‌లో టోకెన్లు బుక్‌ చేసుకోవాలని విజ్ఞప్తి చేశారు. ఆలయంలో బాలాలయం కారణంగా.. ఫిబ్రవరి 22 నుంచి 28 వరకు అంగప్రదక్షిణం టోకెన్ల జారీని నిలిపివేశామని టీటీడీ స్పష్టం చేసింది. ప్రస్తుతం ఆ టికెట్లను కూడా శనివారం ఉదయం11 గంటలకు విడుదల చేస్తునట్టు వెల్లడించింది.
Read Latest Andhra Pradesh News and Telugu News