అలీ ఆ మాట చెప్పడం చాలా కామెడీగా ఉంది.. టీడీపీ నేత సెటైర్లు

Nagari: నగరికి వచ్చిన ఏపీ ప్రభుత్వ సలహాదారు, కమెడియన్ అలీ కామెడీ చేసి వెళ్లారని సెటైర్లు పేల్చారు నగరి టీడీపీ ఇంఛార్జ్ గాలి భాను ప్రకాష్. నగిరి అభివృద్ధికి ఏమీ నోచుకోలేదని.. రాబోయే రోజుల్లో తెలుగుదేశం పార్టీ అధికారంలో వస్తుంది అన్నారు. నగరి కొండ చుట్టూ ఉత్సవంలో పాల్గొన్న ఆయన.. అలీ కామెంట్స్‌పై స్పందించారు. నగరిలో అలీ చేసిన వ్యాఖ్యలు హాస్యాస్పదంగా ఉన్నాయని.. ఎదురు దాడులు, వింత చేష్టలు, తప్ప నగరికి చేసింది ఏమీ లేదన్నారు. నగరి కొచ్చి మరో కామెడీ షో చేస్తున్న అలీ అంటూ.. వైఎస్సార్‌సీపీ ఈసారి ఎన్నికల్లో 175 స్థానాలకు 175 స్థానాలు రావడం చాలా హాస్యాస్పదంగా ఉంది అన్నారు. నగరికి ఏం చేశారని, ఏ అభివృద్ధి సాధించిందో చెప్పాలన్నారు. రాబోయే రోజుల్లో నగరిలో రోజా ఓడిపోవడం ఖాయమని.. తెలుగుదేశం పార్టీ పార్టీ జెండా మళ్లీ ఎగరవేస్తామని తెలిపారు.

అలీ నగరిలోని ప్రభుత్వ డిగ్రీ కళాశాల మైదానంలో జరిగిన ముగ్గుల పోటీలకు ముఖ్య అతిథిగా హాజరయ్యారు. వచ్చే ఎన్నికల్లో 175 స్థానాలకు.. 175 స్థానాల్లోనూ వైఎస్సార్సీపీ విజయం ఖాయమన్నారు. వందకు వందశాతం మళ్లీ వైఎస్సార్‌సీపీనే గెలుస్తుందని ధీమా వ్యక్తం చేశారు. రోజా కూడా మరోసారి ఘన విజయం సాధిస్తారని.. రాజకీయాల్లో విమర్శలకు ప్రతి విమర్శలు చేయడం కామన్ అన్నారు.

పవన్ కళ్యాణ్ వ్యాఖ్యల్ని ప్రస్తావిస్తూ.. డైమండ్ అనేది చాలా పవర్ పుల్.. చాలా విలువైనది అన్నారు. రోజా కూడా తగ్గేదే లేదు.. అమె ఫైర్‌ బ్రాండ్‌.. ఆ విషయం అందరికీ తెలుసన్నారు. చిరంజీవి ఫ్యామిలీతో మంత్రి రోజాకు సత్సంబంధాలు ఉన్నాయని.. సినిమాలు వేరు, రాజకీయాలు వేరు అని వ్యాఖ్యానించారు. అలాగే జగన్ ఆదేశిస్తే పవన్‌పై పోటీకి సిద్ధమన్నారు.

• Read Latest Andhra Pradesh News and Telugu News