Tirupati: అమ్మవారి ఆలయంలో చోరీ.. 'తాళిబొట్టు' మాయం!

Tirupati: తిరుపతి జిల్లా చంద్రగిరి మండలం ఐతేపల్లిలో వెలసి ఉన్న.. శ్రీ ముత్యాలమ్మ ఆలయంలో శనివారం రాత్రి దొంగలు పడ్డారు. ఆలయం వెనుక వైపు నుంచి లోనికి చొరబడ్డ దొంగలు.. తాళాలు పగలగొట్టి హుండీలోని నగదు, అమ్మవారి తాళిబొట్లు మాయం చేశారు. అక్కడితో ఆగకుండా సీసీ కెమెరాల హాడ్ డిస్క్‌ను కూడా ఎత్తుకెళ్లారు. ఉదయం వచ్చిన పూజారి.. తాళాలు పగలగొట్టి ఉండడాన్ని గమనించారు. వెంటనే Muthyalamma temple ధర్మకర్తకు సమాచారం అందించారు. ఆలయ ధర్మకర్త వెంటనే ఆలయం వద్దకు చేరుకొని పరిశీలించారు. ఆ తర్వాత పోలీసులు ఫిర్యాదు చేశారు. పోలీసులు ఘటనా స్థలానికి చేరుకుని వివరాలు సేకరించారు. క్లూస్ టీమ్‌కు సమచారం అదించారు. క్లూస్ టీమ్ వివరాలు సేకరించింది. అయితే.. చోరీ అనంతరం సీసీ కెమెరాల హార్డ్ డిస్క్ కూడా ఎత్తుకెళ్లడంతో.. ఇది తెలిసిన వారి పనేనని పోలీసులు అనుమానిస్తున్నారు. ఆలయం చుట్టుపక్కల ఉన్న సీసీ కెమెరాలను పరిశీలిస్తున్నారు. చోరీకి ముందు ఎవరెవరు ఈ ప్రాంతంలో తిరిగారో వివరాలు సేకరిస్తున్నారు.

• Read Latest Andhra Pradesh News and Telugu News