బైక్‌పై వెళ్తున్న జంటపై అమాంతం దూకిన పులి.. షాక్

బైక్‌పై గుడికి బయలుదేరిన దంపతులకు ఊహించని షాక్ ఎదురైంది. అటవీ ప్రాంతంలో వెళ్తుండగా మాటువేసిన పులి అమాంతం దంపతులపై దూకింది. అదే సమయంలో వెనక నుంచి కారు రావడంతో అక్కడి నుంచి పారిపోయింది. చిత్తూరు జిల్లాలో ఈ షాకింగ్ ఘటన చోటుచేసుకుంది. వడమాలపేట మండలం లక్ష్మీపురం గ్రామానికి చెందిన సుబ్రహ్మణ్యం నాయుడు, మంజులాదేవి దంపతులు బైక్‌పై నారాయణవనం మండలంలోని సింగరికోన ఆలయానికి బయలుదేరారు. గుడికి వెళ్లే మార్గంలో చెట్టుపై మాటువేసిన పులి సుబ్రహ్మణ్యం దంపతులపైకి దూకింది. అదే సమయంలో వెనక నుంచి కారు రావడంతో పులి అక్కడి నుంచి జారుకుంది. ఈ ఘటనలో దంపతులకి గాయాలవడంతో పుత్తూరులోని ఓ ప్రైవేటు ఆస్పత్రికి తరలించారు. పూర్తి వివరాలు తెలియాల్సి ఉంది.

Also Read: