తిరుమలకు బస్సు నడిపితే 20 లడ్డూలు.! డ్రైవర్ యాప్‌ కలకలం

తిరుమల కొండపై డ్రైవింగ్ కాన్సెప్ట్‌తో తయారు చేసిన ఓ యాప్ తిరుపతిలో తీవ్ర కలకలం రేపింది. అలిపిరి నుంచి తిరుమలకు బస్సు డ్రైవింగ్ పేరుతో ప్లే స్టోర్‌లో నమోదైన యాప్‌తో అలజడి రేగింది. ప్లే స్టోర్‌లో డబ్బులు చెల్లించి యాప్‌ డౌన్‌లోడ్ చేసుకోవాలని.. తిరుమలకు బస్సు డ్రైవింగ్ చేసి గేమ్ గెలిస్తే 20 శ్రీవారి లడ్డూలు గెలుచుకున్నట్లేనని యాప్‌లో ఉన్నట్లు తెలుస్తోంది. యాప్ గురించి నిర్వాహకులు ప్రచారం చేస్తున్న విషయం తెలుసుకుని హిందూ ధార్మిక సంఘాలు ఆగ్రహం వ్యక్తం చేశాయి. దీంతో టీటీడీ విజిలెన్స్ విభాగం రంగంలోకి దిగింది. వెంటనే ప్లే స్టోర్ నుంచి యాప్‌ను డిలీట్ చేయించి విచారణ చేపట్టింది. యాప్ నిర్వాహకుడు పరారీలో ఉన్నట్లు తెలుస్తోంది.

Also Read: