యాప్నగరం

తిరుమల శ్రీవారి భక్తులకు అలర్ట్.. 21న నవంబర్ కోటా దర్శన టికెట్లు జారీ: టీటీడీ

నవంబర్ నెలలో తిరుమల శ్రీవారి దర్శన టికెట్లకు సంబంధించి సోమవారం టీటీడీ కీలక ప్రకటన చేసింది. సెప్టెంబర్ 21న ఈ టికెట్లను విడుదల చేయ‌నున్నట్లు వెల్లడించింది.

Authored byసత్యానందం గుండెమాడుగుల | Samayam Telugu 19 Sep 2022, 10:54 pm
తిరుమల శ్రీవేంకటేశ్వర స్వామి వారి దర్శనానికి సంబంధించి తిరుమల తిరుపతి దేవస్థానం (టీటీడీ) కీలక ప్రకటన చేసింది. సెప్టెంబర్ 21న ఉదయం 9 గంటలకు నవంబర్ నెలకు సంబంధించిన ప్రత్యేక ప్రవేశ దర్శన (రూ.300) టికెట్లను విడుదల చేయ‌నున్నట్లు టీటీడీ ప్రకటించింది. నవంబర్ నెలలో శ్రీవారికి నిర్వహించనున్న కల్యాణోత్సవం, ఊంజల్ సేవ, సహస్ర దీపాలంకార సేవ, ఆర్జిత సేవా టికెట్లను సెప్టెంబర్‌ 21వ తేదీన మధ్యాహ్నం 3 గంటలకు ఆన్‌లైన్‌లో అందుబాటులోకి తీసుకురానున్నట్లు వివరించింది.
Samayam Telugu తిరుమల శ్రీవారి ఆలయం


టికెట్ల లభ్యతను బట్టి మొద‌ట వ‌చ్చిన వారికి మొద‌ట ప్రాతిపదికన కేటాయించనున్నట్లు టీటీడీ ప్రకటించింది. నవంబర్ నెల శ్రీవారి ఆర్జిత సేవా ఎలక్ట్రానిక్ డిప్ రిజిస్ట్రేషన్ల ప్రక్రియ సెప్టెంబర్ 21వ తేదీ నుంచి అందుబాటులో ఉంటుందని వెల్లడించింది. అలాగే, అక్టోబర్ నెలకు సంబంధించి పొర్లుదండాలు టోకెన్లను సెప్టెంబర్ 22న ఉదయం 9 గంటలకు ఆన్‌లైన్‌లో విడుదల చేయనున్నట్లు టీటీడీ తెలిపింది.

అయితే, అక్టోబర్ 1వ తేదీ నుంచి 5వ తేదీ వ‌ర‌కు బ్రహ్మోత్సవాలు జరగనున్న నేపథ్యంలో ఈ తేదీల్లో ప్రదక్షిణం టోకెన్లు జారీ చేయడం లేదని టీటీడీ పేర్కొంది. భక్తులు ఈ విషయాన్ని గమనించి తదనుగుణంగా టిక్కెట్లను బుక్ చేసుకోవాలని కోరింది.
రచయిత గురించి
సత్యానందం గుండెమాడుగుల
సత్యానందం గుండెమడుగుల సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఆంధ్రప్రదేశ్‌కు సంబంధించిన తాజా, రాజకీయ వార్తలు, ప్రత్యేక కథనాలు అందిస్తుంటారు. సత్యానందంకు పాత్రికేయ రంగంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థలో సెంట్రల్ డెస్క్‌లో పని చేశారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.