తిరుమల శ్రీవారి భక్తులకు గుడ్ న్యూస్. 2022వ సంవత్సరం క్యాలెండర్లు, డైరీలు పొందేందుకు టీటీడీ మంచి అవకాశం కల్పించింది. టీటీడీ వెబ్సైట్తో పాటూ అమెజాన్ ఆన్లైన్లోనూ బుక్ చేసుకోవచ్చు. డైరీ, క్యాలెండర్లు, మిగిలిన వాటి ధరలు ఇలా ఉన్నాయి.. 12 పేజీల క్యాలెండర్ రూ.130, పెద్ద డైరీ రూ.150, చిన్నడైరీ రూ.120, టేబుల్ టాప్ క్యాలెండర్ రూ.75, శ్రీవారి పెద్ద క్యాలెండర్ రూ.20, శ్రీపద్మావతి అమ్మవారి క్యాలెండర్ రూ.15, శ్రీవారు, శ్రీ పద్మావతి అమ్మవారి క్యాలెండర్ రూ.15, తెలుగు పంచాంగం క్యాలెండర్ రూ.30గా నిర్ణయించారు. ఇంకా ఏదైనా సమాచారం కావాలంటే 0877–2264209 నంబరు ద్వారా ప్రింటింగ్ విభాగం, 9963955585లో ప్రత్యేకాధికారిని సంప్రదించాలని సూచించారు. ఈ డైరీలు, క్యాలెండర్లు తిరుమల, తిరుపతిలోని టీటీడీ పుస్తక విక్రయ శాలల్లో కూడా అందుబాటులో ఉన్నాయి. విజయవాడ, విశాఖ, హైదరాబాద్, చెన్నై, బెంగళూరు, న్యూఢిల్లీ, ముంబైలోని టీటీడీ సమాచార కేంద్రాల్లో, ముఖ్యమైన టీటీడీ కల్యాణ మండపాలు, టీటీడీ అనుబంధ ఆలయాల్లోనూ క్యాలెండర్లు, డైరీలను భక్తులు పొందవచ్చు. పోస్టు ద్వారా కూడా భక్తులు పొందవచ్చు. భక్తులు కార్యనిర్వహణాధికారి, టీటీడీ, తిరుపతి పేరుతో ఏదైనా నేషనల్ బ్యాంకులో డీడీ తీసి కవరింగ్ లెటర్తో కలిపి.. ప్రత్యేకాధికారి, పుస్తక ప్రచురణల విక్రయ విభాగం, ప్రెస్ కాంపౌండ్, కేటీ రోడ్డు, తిరుపతి అడ్రస్కు పంపాల్సి ఉంటుంది.
అలాగే అమెజాన్తో పాటూ టీటీడీకి చెందిన https://tirupatibalaji.ap.gov.in/ వెబ్సైట్లో బుకింగ్ సదుపాయం కలదు. టీటీడీ వెబ్సైట్లో పబ్లికేషన్స్ను క్లిక్ చేసి డెబిట్ లేదా క్రెడిట్ కార్డు ద్వారా ఆర్డరు చేసుకోవచ్చు. బుక్ చేసుకున్న వారికి పోస్టులో వాటిని పంపిస్తారు. భక్తులు ఎన్ని క్యాలెండర్లు, డైరీలనైనా బుక్ చేసుకునే అవకాశం ఉంది. ఆన్లైన్లో బుక్ చేసుకున్న వారికి ప్యాకింగ్, షిప్పింగ్ చార్జీలు అదనం. విదేశాల్లోని భక్తులకు ఈ సదుపాయం కల్పించారు.
అలాగే అమెజాన్తో పాటూ టీటీడీకి చెందిన https://tirupatibalaji.ap.gov.in/ వెబ్సైట్లో బుకింగ్ సదుపాయం కలదు. టీటీడీ వెబ్సైట్లో పబ్లికేషన్స్ను క్లిక్ చేసి డెబిట్ లేదా క్రెడిట్ కార్డు ద్వారా ఆర్డరు చేసుకోవచ్చు. బుక్ చేసుకున్న వారికి పోస్టులో వాటిని పంపిస్తారు. భక్తులు ఎన్ని క్యాలెండర్లు, డైరీలనైనా బుక్ చేసుకునే అవకాశం ఉంది. ఆన్లైన్లో బుక్ చేసుకున్న వారికి ప్యాకింగ్, షిప్పింగ్ చార్జీలు అదనం. విదేశాల్లోని భక్తులకు ఈ సదుపాయం కల్పించారు.