తిరుమల శ్రీవారి భక్తులకు శుభవార్త. కొండపై వసతి గదుల కోటాను టీటీడీ విడుదల చేయనుంది. ఏప్రిల్ నెలకు సంబంధించి వసతి గదుల్ని ఈ నెల 29న 10 గంటలకు టీటీడీ ఆన్‌లైన్‌లో అందుబాటులో ఉంచనుంది. అలాగే తిరుపతి, తలకోనలో కూడా వసతి గదుల్ని ఈ నెల 30 విడుదల చేయనున్నారు. మరోవైపు తిరుమల శ్రీవారి వర్చువల్ సేవ (ఆన్‌లైన్), దర్శనం కోటా కళ్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకరణ సేవలకు సంబంధించిన ఏప్రిల్ కోటా టికెట్లను ఇవాళ విడుదల చేయనున్నారు. భక్తులు బుక్ చేసుకోవాలని టీటీడీ సూచించింది. ఇదిలా ఉంటే టీటీడీ మరో కీలక నిర్ణయం తీసుకుంది. వచ్చే నెల 1 నుంచి తిరుమలకు నడక మార్గంలో వచ్చే భక్తులకు దివ్య దర్శనం టికెట్లు జారీ చేయనుంది. అలిపిరి, శ్రీవారి మెట్టు మార్గంలో వచ్చే భక్తులకు ఈ టికెట్లు ఇస్తారు.
తిరుమలలో పర్యావరణ పరిరక్షణ కోసం వాహన కాలుష్యాన్ని తగ్గించడానికి డీజిల్‌ వాహనాల స్థానంలో దశలవారీగా విద్యుత్‌ వాహనాలు ప్రవేశపెట్టాలని టీటీడీ బోర్డు నిర్ణయించిందన్నారు. ఇందులో భాగంగా మొదటి దశలో తిరుమలలో విధులు నిర్వహిస్తున్న అధికారులకు 35 విద్యుత్‌ కార్లు ఇచ్చామని చెప్పారు. ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు ఏపీఎస్ ఆర్టీసీ తిరుమల-తిరుపతి మధ్య 65 విద్యుత్‌ బస్సులు నడుపుతోందన్నారు.
హైదరాబాద్‌కు చెందిన మేఘా ఇంజనీరింగ్‌ అండ్‌ ఇన్‌ఫ్రాస్ట్రక్చర్స్‌ లిమిటెడ్‌ సంస్థ ఒక్కో బస్సును రూ.1.80 కోట్ల ఖర్చుతో తయారు చేయించి 10 బస్సులను టిటిడికి అప్పగించిందన్నారు. తిరుమలలోని వర్క్‌షాప్‌ సమీపంలో విద్యుత్‌ బస్సుల కోసం ఛార్జింగ్‌ స్టేషన్‌ ఏర్పాటు చేస్తున్నట్టు చెప్పారు. ఈ బస్సులు నడిపేందుకు టిటిడి డ్రైవర్లకు ఒలెక్ట్రా సంస్థ శిక్షణ ఇస్తుందని, ఏప్రిల్ 15 నుండి తిరుమలలో భక్తులకు ఈ బస్సులు అందుబాటులోకి వస్తాయని తెలిపారు. టీటీడీ ఛైర్మన్, ఈవో ఇతర అధికారులు కలిసి తిరుమలలో విద్యుత్‌ ధర్మరథాల్లో ప్రయాణించి ట్రయల్‌ రన్‌ నిర్వహించారు.
తిరుమలలో పర్యావరణ పరిరక్షణ కోసం వాహన కాలుష్యాన్ని తగ్గించడానికి డీజిల్‌ వాహనాల స్థానంలో దశలవారీగా విద్యుత్‌ వాహనాలు ప్రవేశపెట్టాలని టీటీడీ బోర్డు నిర్ణయించిందన్నారు. ఇందులో భాగంగా మొదటి దశలో తిరుమలలో విధులు నిర్వహిస్తున్న అధికారులకు 35 విద్యుత్‌ కార్లు ఇచ్చామని చెప్పారు. ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు ఏపీఎస్ ఆర్టీసీ తిరుమల-తిరుపతి మధ్య 65 విద్యుత్‌ బస్సులు నడుపుతోందన్నారు.
హైదరాబాద్‌కు చెందిన మేఘా ఇంజనీరింగ్‌ అండ్‌ ఇన్‌ఫ్రాస్ట్రక్చర్స్‌ లిమిటెడ్‌ సంస్థ ఒక్కో బస్సును రూ.1.80 కోట్ల ఖర్చుతో తయారు చేయించి 10 బస్సులను టిటిడికి అప్పగించిందన్నారు. తిరుమలలోని వర్క్‌షాప్‌ సమీపంలో విద్యుత్‌ బస్సుల కోసం ఛార్జింగ్‌ స్టేషన్‌ ఏర్పాటు చేస్తున్నట్టు చెప్పారు. ఈ బస్సులు నడిపేందుకు టిటిడి డ్రైవర్లకు ఒలెక్ట్రా సంస్థ శిక్షణ ఇస్తుందని, ఏప్రిల్ 15 నుండి తిరుమలలో భక్తులకు ఈ బస్సులు అందుబాటులోకి వస్తాయని తెలిపారు. టీటీడీ ఛైర్మన్, ఈవో ఇతర అధికారులు కలిసి తిరుమలలో విద్యుత్‌ ధర్మరథాల్లో ప్రయాణించి ట్రయల్‌ రన్‌ నిర్వహించారు.
- Read Latest Andhra Pradesh News and Telugu News