Promotions: టీచర్ల పదోన్నతుల షెడ్యూల్‌ విడుదల చేసిన ఏపీ సర్కార్

Teachers Promotions: ప్రభుత్వ ఉపాధ్యాయులకు ఆంధ్రప్రదేశ్ ప్రభుత్వం గుడ్ న్యూస్ చెప్పింది. టీచర్ల పదోన్నతుల షెడ్యూల్‌ను విడుదల చేసింది. జిల్లా, మండల పరిషత్ పాఠశాలల్లో విధులు నిర్వహిస్తున్న స్కూల్ అసిస్టెంట్స్, గ్రేడ్ 2 ప్రధానోపాధ్యాయుల షెడ్యూల్‌ను రాష్ట్ర విద్యా శాఖ కమిషనర్ విడుదల చేశారు. SGT, స్కూల్ అసిస్టెంట్స్ ప్రైమరీ సీనియారిటీ జాబితాను ఈనెల 7న వెబ్‌సైట్‌లో ఉంచనున్నట్లు ఆయన వెల్లడించారు.

ఏమైనా అభ్యంతరాలు ఉంటే ఈనెల 8లోపు ఆన్‌లైన్‌ ద్వారా తెలియజేయాల్సింది ఉంటుంది. సంబంధిత అధికారులు అభ్యంతరాలను ఈ నెల 9న పరిశీలించి తుది సీనియారిటీ జాబితాను ఈనెల10న విడుదల చేయనున్నారు. గ్రేడ్‌–2 పోస్టుల ప్రమోషన్లను ఈ నెల 11న, స్కూల్‌ అసిస్టెంట్లు దానికి సమానమైన ఇతర పోస్టుల పదోన్నతులను ఈ నెల 12, 13 తేదీల్లో విడుదల చేయనున్నారు.