Botsa Satyanarayana: హరీశ్ రావుకు కౌంటర్ ఇచ్చిన బొత్స.. ఒక్కసారి వచ్చి చూడాలని చురక..!

Botsa Satyanarayana: ఆంధ్రా-తెలంగాణ మధ్య టీచర్ల అంశం అగ్గి రాజేసింది. గురువారం ఓ సందర్భంలో తెలంగాణ మంత్రి హరీశ్ రావు చేసిన వ్యాఖ్యలు.. ఇరు రాష్ట్రాల మధ్య డైలాగ్ వార్‌కు కారణమయ్యాయి. ఏపీ ప్రభుత్వం టీచర్లపై కేసులు పెట్టి లోపల వేస్తోందని.. కానీ తెలంగాణ సర్కార్ దేశంలో ఎక్కడా లేని విధంగా ఉపాధ్యాయులకు ఫిట్‌మెంట్ ఇచ్చిందని హరీశ్ రావు (Harish Rao) వ్యాఖ్యానించారు. మోటార్లకు మీటర్లు పెట్టబోమని తెలంగాణ ప్రభుత్వం అంటే.. రాష్ట్రానికి ఇచ్చే 30 వేల కోట్లను కేంద్ర ప్రభుత్వం నిలిపేసిందన్నారు. జగన్‌లా కేంద్రం మాటకు ఒప్పుకుని ఉంటే.. ఏటా 6 వేల కోట్లు వచ్చేవన్నారు. ఏపీ (Andhra Pradesh) గురించి హరీశ్ రావు చేసిన వ్యాఖ్యలకు తాజాగా.. విద్యాశాఖ మంత్రి బొత్స సత్యనారాయణ స్ట్రాంగ్ కౌంటర్ ఇచ్చారు. టీచర్ల గురించి హరీశ్‌ రావు చేసిన వ్యాఖ్యలను బొత్స తప్పుబట్టారు. ఏపీకి వచ్చి టీచర్లతో మాట్లాడాలని సూచించారు. తెలంగాణలో ఇస్తున్న పీఆర్‌సీని.. ఏపీలో ఇస్తున్న పీఆర్‌సీతో పోల్చాలని హితవు పలికారు. రెండు రాష్ట్రాల పీఆర్‌సీలను పక్కపక్కన పెట్టి చూస్తే అప్పుడు తేడా తెలుస్తుందన్నారు. అనవసరమైన వ్యాఖ్యలు ఎందుకని మంత్రి బొత్స సత్యనారాయణ (Botsa Satyanarayana) ఫైర్ అయ్యారు.

Also Read: