ఇచ్చిన మాట ప్రకారమే ఎన్టీఆర్కి గౌరవం.. జగన్కి 'దేవినేని' ధన్యవాదాలు
విజయవాడ కేంద్రంగా ఏర్పాటైన జిల్లాకు ఎన్టీఆర్ పేరు పెట్టడంపై వైఎస్సార్సీపీ నేత దేవినేని అవినాష్ ముఖ్యమంత్రికి ధన్యవాదాలు తెలుపుతూ విజయవాడలో ర్యాలీ నిర్వహించారు. జగన్మోహన్ రెడ్డి మాట తప్పని వ్యక్తని..
Samayam Telugu 27 Jan 2022, 2:42 pm
ప్రధానాంశాలు:
- విజయవాడలో దేవినేని అవినాష్ అభినందన ర్యాలీ
- ఎన్టీఆర్ జిల్లా ఏర్పాటు చేయడంపై ముఖ్యమంత్రికి కృతజ్ఞతలు
- చంద్రబాబు ఓటు బ్యాంక్ కోసం ఎన్టీఆర్ పేరు వాడుకుంటున్నారని విమర్శలు
ఆంధ్రప్రదేశ్లో జిల్లాల పెంపు నిర్ణయానికి అన్ని వర్గాలతో పాటు ప్రతిపక్షాల నుంచి కూడా ముఖ్యమంత్రికి అభినందనలు వెల్లువెత్తుతున్నాయి. నూతన జిల్లాల పేర్లుపై కొందరు హర్షం వ్యక్తం చేస్తుంటే.. మరికొందరు అభ్యంతరాలు వ్యక్తం చేస్తున్నారు. ఈ మేరకు నూతన జిల్లాల ఏర్పాటుపై ముఖ్యమంత్రికి ధన్యవాదాలు తెలుపుతూ రాష్ట్ర వ్యాప్తంగా అభినందన ర్యాలీలు నిర్వహిస్తున్నారు. విజయవాడ కేంద్రంగా ఏర్పాటైన జిల్లాకు ఎన్టీఆర్ పేరు పెట్టడంపై వైఎస్సార్సీపీ నేత దేవినేని అవినాష్ ముఖ్యమంత్రికి ధన్యవాదాలు తెలుపుతూ విజయవాడలో ర్యాలీ నిర్వహించారు. జగన్మోహన్ రెడ్డి మాట తప్పని వ్యక్తని.. పాదయాత్రలో ఇచ్చిన మాటమేరకు విజయవాడకు ఎన్టీఆర్ పేరు పెట్టారని.. ప్రజలందరి తరఫున సీఎంకు కృతజ్ఞతలు తెలిపారు.
తెలుగుదేశం పార్టీ ఒక దొంగల పార్టీ అని.. ఎన్టీఆర్ పేరును కేవలం ఓటు బ్యాంక్ రాజకీయాల కోసమే చంద్రబాబు నాయుడు వాడుకున్నారని దేవినేని అవినాష్ విమర్శించారు. ఎన్టీఆర్ను టీడీపీ గుర్తించకపోయినా.. వైఎస్సార్సీపీ గుర్తించిందని.. దేవినేని కుటుంబానికి రాజకీయ జన్మనిచ్చింది ఎన్టీఆర్ అని గుర్తు చేశారు. 14 సంవత్సరాలు ముఖ్యమంత్రిగా ఉండి చంద్రబాబు నాయుడు ఎన్టీఆర్కు భారతరత్న ఇవ్వాలని డిమాండ్ కూడా పెట్టలేదని.. కానీ జగన్మోహన్ రెడ్డి ఇచ్చిన మాట ప్రకారం జిల్లాకు ఎన్టీఆర్ పేరు పెట్టి ఘనత చాటుకున్నారని అభినందించారు.
తెలుగుదేశం పార్టీ ఒక దొంగల పార్టీ అని.. ఎన్టీఆర్ పేరును కేవలం ఓటు బ్యాంక్ రాజకీయాల కోసమే చంద్రబాబు నాయుడు వాడుకున్నారని దేవినేని అవినాష్ విమర్శించారు. ఎన్టీఆర్ను టీడీపీ గుర్తించకపోయినా.. వైఎస్సార్సీపీ గుర్తించిందని.. దేవినేని కుటుంబానికి రాజకీయ జన్మనిచ్చింది ఎన్టీఆర్ అని గుర్తు చేశారు. 14 సంవత్సరాలు ముఖ్యమంత్రిగా ఉండి చంద్రబాబు నాయుడు ఎన్టీఆర్కు భారతరత్న ఇవ్వాలని డిమాండ్ కూడా పెట్టలేదని.. కానీ జగన్మోహన్ రెడ్డి ఇచ్చిన మాట ప్రకారం జిల్లాకు ఎన్టీఆర్ పేరు పెట్టి ఘనత చాటుకున్నారని అభినందించారు.