Kodali Nani Comments on Nara Chandrababu Naidu and Lokesh: గుడివాడ వైసీపీ ఎమ్మెల్యే కొడాలి నానిపై టీడీపీ నేతలు తాడేపల్లి పోలీస్ స్టేషన్‌లో ఫిర్యాదు చేశారు. నాని తన నోరు అదుపులో పెట్టుకోవాలని హెచ్చరించారు. టీడీపీ అధినేత చంద్రబాబు నాయుడు, నారా లోకేశ్‌పై ఇష్టమొచ్చినట్లు మాట్లాడారని, చర్యలు తీసుకోవాలని పోలీసులను కోరారు. కొడాలి నానిని గుడివాడ నుంచి తరిమికొట్టే రోజులు దగ్గరే ఉన్నాయంటూ మాజీ మంత్రి దేవినేని ఉమా మండిపడ్డారు.
Authored byశ్రీనివాస్ గంగం | Samayam Telugu11 Sep 2022, 1:25 am
వైఎస్సార్‌ కాంగ్రెస్ పార్టీ ఎమ్మెల్యే కొడాలి నానిపై (Kodali Nani) టీడీపీ నేతలు తాడేపల్లి పోలీస్ స్టేషన్‌లో ఫిర్యాదు చేశారు. టీడీపీ జాతీయ అధ్యక్షుడు చంద్రబాబు నాయుడు, నారా లోకేశ్‌పై నాని అనుచిత వ్యాఖ్యలు చేశారని.. ఆయనపై చర్యలు తీసుకోవాలని ఉమ్మడి కృష్ణా జిల్లా టీడీపీ నేతలు ఫిర్యాదులో కోరారు. ఆ తర్వాత వారు మీడియాతో మాట్లాడుతూ.. కొడాలి నానిపై తీవ్ర స్థాయిలో మండిపడ్డారు. కృష్ణా జిల్లా పరువు తీస్తున్నారని అన్నారు. కొడాలి నాని నోరు అదుపులో పెట్టుకోకపోతే తాట తీస్తామంటూ హెచ్చరించారు. ‘మంత్రి పదవి పోయినా సిగ్గు రాలేదు’ అంటూ మాజీ మంత్రి దేవినేని ఉమా మండిపడ్డారు. గుడివాడ నుంచి కొడాలి నానిని తరిమికొట్టే రోజులు దగ్గరలోనే ఉన్నాయని అన్నారు.
Samayam Teluguకొడాలి నాని
కొడాలి నానిపై పోలీసులు కేసు నమోదు చేయకపోతే న్యాయస్థానంలో ప్రైవేట్ కేసులు వేస్తామని టీడీపీ నేతలు అన్నారు. గూగుల్‌లో 420 అని సెర్చ్‌ చేస్తే ముఖ్యమంత్రి పేరే వస్తోందని ఎద్దేవా చేశారు. పోలీసులకు ఫిర్యాదు చేసిన నేతల్లో దేవినేని ఉమాతో పాటు గద్దె రామ్మోహన్‌, బుద్ధా వెంకన్న, వర్ల రామయ్య తదితరులు ఉన్నారు.
శ్రీనివాస్ రెడ్డి గంగం సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఏపీ, తెలంగాణ, జాతీయ, అంతర్జాతీయ అంశాలపై వార్తలు, ప్రత్యేక కథనాలు అందిస్తుంటారు. EJS నుంచి శిక్షణ పొందిన శ్రీనివాస్‌కు జర్నలిజంలో 12 ఏళ్లకు పైగా అనుభవం ఉంది. JNTU నుంచి BTech చేశారు. గతంలో ప్రముఖ పత్రికల్లో వార్తలు, విద్యా సంబంధిత అంశాలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
