కుక్కలు విశ్వాసానికి మారు పేరు. వాటిని మనం ఎంతగా ప్రేమిస్తే.. అవి మన పట్ల అంతకన్నా ఎక్కువ విశ్వాసాన్ని చూపిస్తాయి. కొన్ని పెంపుడు కుక్కలు తమ యజమానుల కోసం ప్రాణాలు సైతం వదిలేందుకు వెనుకాడవు. తాజాగా కృష్ణా జిల్లా నందిగామలో ఇలాంటి ఘటనే చోటు చేసుకుంది. పాముతో పోరాడిన శునకం.. దానిని చంపేసింది. అయితే పాము కాటుకు అది కూడా మృత్యువాత పడింది. నందిగామ శివారు గెస్టు హౌస్లో ఓ వ్యాపారి మగ, ఆడ రెండు శునకాలను పెంచుతున్నారు. ఈ రెండు కుక్కలు గెస్ట్ హౌస్కు కాపాలా కాస్తుంటాయి. ఈ క్రమంలో శనివారం అర్ధరాత్రి గెస్ట్ హౌస్లోకి ఆరడుగుల తాచుపాము దూరింది. పామును చూసిన మగ కుక్క.. వెంటనే దానితో పోరాటానికి దిగింది. ప్రాణాలకు తెగించి.. పాముతో చిన్నపాటి యుద్ధమే చేసింది. ఈ పోరులో ముందుగా పాము చనిపోయినా.. పాము కాటుతో కుక్క కూడా చనిపోయింది. ఆదివారం ఉదయం గెస్ట్ హౌస్కు వచ్చిన యజమాని ఈ దృశ్యాన్ని చూసి ఆశ్చర్యానికి గురయ్యారు. ఎంతో ముద్దుగా పెంచుకున్న శునకం చనిపోవడంతో విచారం వ్యక్తం చేశారు.
ప్రాణాలకు తెగించి పాముతో పోరాడిన శునకం.. విశ్వాసం అంటే ఇదే..!
Krishna జిల్లా నందిగామలో ఇంట్లోకి దూరిన ఓ పాముతో కుక్క పోరాడింది. తాచుపామును అడ్డుకుని దానిని చంపేసింది. అయితే పాము కాటుకు అది కూడా మృత్యువాత పడింది. ఉదయం ఇంటికి వచ్చిన యాజమాని..
Samayam Telugu 27 Dec 2021, 10:01 am
ప్రధానాంశాలు:
- నందిగామలో పాముతో కుక్క పోరాటం
- పామును చంపేసి.. ప్రాణాలు కోల్పోయిన శునకం
- యజమాని కోసం ప్రాణాలు సైతం లెక్కచేయకుండా పోరాటం