బస్సు బ్రేకులు ఫెయిల్.. లోపల 40 మందికి పైగా.! విజయవాడ హైవేపై ఘోర ప్రమాదం

కృష్ణా జిల్లాలో ఘోర బస్సు ప్రమాదం జరిగింది. వేగంగా వచ్చిన బస్సు ముందు వెళ్తున్న లారీ ట్యాంకర్‌ను ఢీకొట్టింది. గన్నవరం మండలం చిన్నఅవుటపల్లి సమీపంలోని పిన్నమనేని సిద్ధార్థ కళాశాల వద్ద ఈ ప్రమాదం జరిగింది. ఏలూరు నుంచి విజయవాడ వెళ్తున్న ఆర్టీసీ బస్సు అమాంతం లారీ ట్యాంకర్‌ని ఢీకొట్టింది. ఆ సమయంలో బస్సులో 40 మందికిపైగా ప్రయాణికులు ఉన్నట్టు తెలుస్తోంది. బస్సు ఢీకొన్న ధాటికి ప్రయాణికులు చెల్లచెదురుగా పడిపోయారు. సుమారు 40 మందికి గాయాలయ్యాయి. వారిలో ముగ్గురికి తీవ్రగాయాలయ్యాయని.. పరిస్థితి విషమంగా ఉన్నట్టు సమాచారం.

స్థానికులు స్పందించి వెంటనే పోలీసులకు సమాచారం అందించారు. క్షతగాత్రులను అంబులెన్సులు, ఆటోల్లో ఆస్పత్రికి తరలించారు. బస్సు బ్రేకులు ఫెయిల్ అయ్యాయని.. అందువల్లే ప్రమాదం జరిగిందని డ్రైవర్ చెబుతున్నారు. బ్రేకు వేసిన పడకపోవడంతోనే ముందు వెళ్తున్న వాహనాన్ని ఢీకొట్టిందని డ్రైవర్ చెప్పినట్లు సమాచారం. ప్రమాద ఘటనతో కోల్‌కతా చెన్నై జాతీయ రహదారిపై భారీగా ట్రాఫిక్ స్తంభించింది. రెండు కిలోమీటర్ల మేర వాహనాలు నిలిచిపోయాయి. పోలీసులు స్పాట్‌కి చేరుకుని ట్రాఫిక్‌ని క్రమబద్ధీకరించారు.

Also Read: