బందర్ రోడ్ల మీద బైక్‌పై చక్కర్లు కొట్టిన వినాయకుడు

వినాయక చవితి పర్వదినాన.. అందరూ గణపతి ప్రతిమలను ఇంట్లో ఉంచుకొని పూజలు చేస్తుంటే.. బందరులో మాత్రం.. వినాయకుడు వినూత్నంగా దర్శనం ఇచ్చాడు. బందరు రోడ్లపై బైక్ మీద విఘ్నేశ్వరుడు చక్కర్లు కొట్టాడు. చేయ్యెత్తి దీవిస్తూ.. అడిగిన వారెవర్నీ కాదనకుండా సెల్ఫీలు దిగుతూ.. ముందుకు సాగాడు. నగరంలో ఏర్పాటు చేసిన నగరంలో ఏర్పాటు చెందిన వినాయకచవితి పందిర్లలోని పూజా కార్యక్రమాలు వీక్షిస్తూ ఈ బొజ్జ గణపతి భక్తులకు దర్శనం ఇచ్చాడు. వినాయకుడి వేషం అద్భుతంగా నప్పిన ఈ కళకారుడి పేరు బహదూర్. స్థానికంగా నాటకాలు వేస్తూ జీవనం సాగిస్తుంటాడు. వినాయకచవితి పండుగ సందర్బంగా వినాయకుని వేషాధారణతో బహదూర్ అందర్నీ అలరించాడు.