టైంపాస్‌ ప్రేమ వల్ల పిచ్చోడినయ్యా.. బీటెక్ యువకుడు లేఖ రాసి.. విజయవాడలో ఘోరం!

ప్రేమించిన యువతి మోసం చేస్తోందనే కారణంతో మనస్తాపానికి గురైన బీటెక్ విద్యార్థి రైలు కింద పడి ఆత్మహత్యకు పాల్పడ్డాడు. తన లాంటి పరిస్థితి ఎవరికీ రాకూడదని సూసైడ్ లెటర్‌లో కోరాడు. ఈ విషాద ఘటన విజయవాడలో చోటుచేసుకుంది. ప్రేయసి చేసిన మోసం తట్టుకోలేక.. తల్లిదండ్రులకు ఏం చెప్పాలో తెలియక తాను ఆత్మహత్య చేసుకుంటున్నట్లు లేఖలో రాశాడు.

బీటెక్‌ విద్యార్థి అబ్దుల్‌ సలాం ఆత్మహత్య లేఖలో రాసిన వివరాల ప్రకారం.. ఇంటర్ చదువుతున్న ఓ విద్యార్థినిని తాను ప్రేమిస్తున్నానని, ఆమె కూడా తనను ప్రేమిస్తోందని లేఖలో పేర్కొన్నాడు. కొంత కాలంగా అమ్మాయి ప్రవర్తనలో తేడా వచ్చి ఆరా తీస్తే పెళ్లయిన లెక్చరర్‌తో న్యూడ్ వీడియో కాల్స్ చేస్తున్నట్లు తెలుసుకుని, పద్ధతి మార్చుకోవాలని సూచించినట్లు తెలిపాడు. అయినా ఆమె ప్రవర్తనలో మార్పు రాలేదని, అంతే కాకుండా మరో యువకుడితో రాత్రివేళల్లో వీడియో కాల్స్ మాట్లాడుతుందని లేఖలో వివరించాడు. ఆమె మారుతుందని ఎన్ని ప్రయత్నాలు చేసినా.. లాభం లేకుండా పోయిందని వాపోయాడు.

ఆమెలో మార్పు తీసుకువచ్చేందుకు ఎంతగా ప్రయత్నించినా మారలేదు. ఆ యువతి కారణంగా సరిగా చదవలేకపోయాను. ఆమె టైమ్‌ పాస్‌ ప్రేమ వల్ల తాను పిచ్చోడిని అయ్యానని.. తనకు ‍జీవితం మీద విరక్తి కలిగిందని, బతకలేకపోతున్నానని లెటర్‌లో సలాం వివరించాడు. తన తల్లిదండ్రులకు సమాధానం చెప్పలేకనే ఈ నిర్ణయం తీసుకున్నానని ఆవేదన వ్యక్తం చేశారు.

ఎవరైనా అబ్బాయిలు, అమ్మాయిలను మోసం చేసే హైలైట్‌ చేస్తారు కానీ.. అమ్మాయిలు మోసం చేస్తే ఎందుకు ప్రశ్నించరని సమాజాన్ని సలాం ప్రశ్నించాడు. సదరు యువతి చేతిలో తనలాగే మోసపోయిన అమాయకపు అబ్బాయిలకు న్యాయం చేయాలంటూ లేఖలో రాశాడు. అనంతరం రైలు కింద పడి సలాం ఆత్మహత్యకు పాల్పడ్డాడు.