విజయవాడ ఇంద్రకీలాద్రిపై శరన్నవరాత్రి ఉత్సవాలు ఘనంగా ప్రారంభమయ్యాయి. తొలిరోజు స్వర్ణకవచాలంకృత దుర్గాదేవిగా అమ్మవారు భక్తులకు దర్శనమిస్తున్నారు. పాడ్యమి సోమవారం దేవీ నవరాత్రి ఉత్సవాల్లో తొలిరోజున దుర్గాదేవిని స్వర్ణ కవచాలంకృత దుర్గాదేవిగా అలంకరిచారు. స్వర్ణ కవచంతో దుర్గాదేవి అష్టభుజాలతో, నక్షత్రాల కన్నా అధికమైన కాంతి కలిగిన ముక్కుపుడక ధరించి, బంగారు ఛాయతో భక్తులకు దర్శనం ఇస్తున్నారు. సింహవాహనాన్ని అధిష్ఠించిన అమ్మ శంఖం, చక్రం, గద, శూలం, పాశం, మహాఖడ్గం, పరిఘ ఆయుధాలు ధరించారు.
మరోవైపు స్వర్ణకవచాలంకృత దుర్గాదేవిని గవర్నర్ బిశ్వభూషణ్ హరిచందన్ సతీసమేతంగా దర్శించుకున్నారు. గవర్నర్‌కు దేవాదాయ శాఖ మంత్రి కొట్టు సత్యనారాయణ, ఎన్టీఆర్ జిల్లా కలెక్టర్ ఎస్.ఢిల్లీరావు, ఈవో భ్రమరాంబ పూర్ణకుంభంతో స్వాగతం పలికారు. దసరా మొదటి రోజు కనకదుర్గమ్మ దర్శనం ఎంతో ఆనందకరమన్నారు గవర్నర్. అమ్మవారి ఆశీస్సులు అందరికీ ఉండాలని కోరుకున్నాను అన్నారు. నేటి నుంచి 10 రోజులపాటు రోజుకో అలంకారంలో దుర్గమ్మ దర్శనం ఇవ్వనున్నారు. వినాయక గుడి నుంచి అమ్మవారి ఆలయం వరకు క్యూలైన్ ఉంది. సర్వదర్శనంతో పాటు రూ.100, రూ.300, రూ.500 టికెట్ల క్యూలైన్లు భక్తులతో నిండిపోయాయి.
మరోవైపు స్వర్ణకవచాలంకృత దుర్గాదేవిని గవర్నర్ బిశ్వభూషణ్ హరిచందన్ సతీసమేతంగా దర్శించుకున్నారు. గవర్నర్‌కు దేవాదాయ శాఖ మంత్రి కొట్టు సత్యనారాయణ, ఎన్టీఆర్ జిల్లా కలెక్టర్ ఎస్.ఢిల్లీరావు, ఈవో భ్రమరాంబ పూర్ణకుంభంతో స్వాగతం పలికారు. దసరా మొదటి రోజు కనకదుర్గమ్మ దర్శనం ఎంతో ఆనందకరమన్నారు గవర్నర్. అమ్మవారి ఆశీస్సులు అందరికీ ఉండాలని కోరుకున్నాను అన్నారు. నేటి నుంచి 10 రోజులపాటు రోజుకో అలంకారంలో దుర్గమ్మ దర్శనం ఇవ్వనున్నారు. వినాయక గుడి నుంచి అమ్మవారి ఆలయం వరకు క్యూలైన్ ఉంది. సర్వదర్శనంతో పాటు రూ.100, రూ.300, రూ.500 టికెట్ల క్యూలైన్లు భక్తులతో నిండిపోయాయి.