ఆరేళ్ల బాలుడికి లైంగిక వేధింపులు.. పోక్సో కోర్టు కీలక తీర్పు

ఆరేళ్ల బాలుడిపై లైంగిక చర్యలకు పాల్పడ్డ ఓ నీచుడికి శిక్షను ఖరారు చేస్తు విజయవాడ పోక్సో కోర్టు సంచలన తీర్పు వెలువరించింది. కొండపల్లిలో ఆరేళ్ల బాలుడిపై లైంగిక చర్యలకు పాల్పడ్డ తిరుపతిరావుకు అనే వ్యక్తికి.. మరణించే వరకూ జీవిత ఖైదు శిక్ష విధించింది. బుధవారం ఈ కేసును విచారించిన న్యాయమూర్తి ఈ మేరకు తీర్పు వెలువరించారు.

ఆరేళ్ల బాలుడిపై తిరుపతిరావు అసహజ లైంగిక వేధింపులకు పాల్పడ్డాడనే ఆరోపణలు ఉన్నాయి. ఈ నేపథ్యంలో బుధవారం విచారణ జరిపిన విజయవాడ పోక్సో కోర్టు.. తుది తీర్పు వెలువరించింది. పబ్లిక్ ప్రాసిక్యూటర్‌ జీవీ నారాయణరెడ్డి ఈ కేసులో మొత్తం 23 మంది సాక్షులను విచారించారు.

ఇరువర్గాల వాదనల విన్న అనంతరం పోక్సో కోర్టు సంచాలన తీర్పు వెలువరించింది. తిరుపతిరావు చనిపోయే వరకు జీవిత ఖైదు విధిస్తూ కోర్టు తీర్పు వెలువరించింది.