కొడుకు మరణాన్ని తట్టుకోలేక తల్లిదండ్రుల ఆత్మహత్య.. కూతురు అనాథగా, కన్నీటి కథ

ఎన్టీఆర్ జిల్లాలో విషాద ఘటన జరిగింది. జి.కొండూరు మండలం చిన నందిగామలో దంపతులు ఆత్మహత్య కలకలంరేపింది. ఆరేపల్లి సాంబశివరావు, విజయలక్ష్మి భార్యాభర్తలు.. అయితే రెండు నెలల క్రితం వీరి కుమారుడు జగదీశ్‌ రోడ్డు ప్రమాదంలో చనిపోయాడు. అప్పటి నుంచి కుమారుడి మరణాన్ని జీర్ణించుకోలేక తీవ్ర మనస్థాపం చెందారు. ఆదివారం ఒకే చీరకు ఉరివేసుకుని ప్రాణాలు తీసుకున్నారు. స్థానికులు ఇచ్చిన సమాచారంతో పోలీసులు ఘటనా స్థలానికి చేరుకుని పరిశీలించారు.ఈ దంపతులకు ఓ కుమార్తె ఉండగా ఆమె అనాథగా మారింది. దంపతుల బలవన్మరణంపై జి.కొండూరు పోలీసులు కేసు నమోదు చేశారు. మృతదేహాలను మైలవరం ప్రభుత్వ ఆస్పపత్రికి తరలించారు. ఈ ఘటన స్థానికంగా తీవ్ర విషాదాన్ని నింపింది.. సాంబశివరావు, విజయలక్ష్మిల కుమార్తె పరిస్థితి ఏంటని.. ఆమెను చూసి కన్నీళ్లు పెట్టుకున్నారు.