అల్లూరి జిల్లా: వణుకుతున్న లంబసింగి.. ఎంజాయ్ చేస్తున్న టూరిస్టులు

అల్లూరి సీతారామరాజు జిల్లాను చలిపులి వణికిస్తోంది. పడిపోతున్న ఉష్ణోగ్రతలు అక్కడి ప్రాంత వాసులను గజగజవణికిస్తున్నాయి. చలికితోడు పగటిపూట కురుస్తున్న పొగమంచు మరింత ఇబ్బంది పెడుతోంది. జిల్లాలోని లంబసింగి, చింతపల్లిలో ఉష్ణోగ్రతలు జీరోస్థాయికి పడిపోయాయి. లంబసింగిలో సున్నా డిగ్రీలు నమోదైతే.. చింతపల్లిలో ఒకటిన్నర డిగ్రీలుగా నమోదయ్యాయి. చలి దెబ్బకు మన్యం ప్రజలు ..టోపీలు చేతి బ్లౌజులతో పాటుగా కాళ్లుకు సాక్షులు వేసుకొని చలిమంటలతో ఉపశమనం పొందుతున్నారు.అయితే ఇన్ని ఇబ్బందులు ఉన్నా శీతాకాలం మోసుకువచ్చిన కొత్త అందాలు మన్యం ప్రజలకు కాస్త ఉపశమనం కలిగిస్తున్నాయి. అరకులోయ అందాలు చూడ్డానికి వచ్చే పర్యాటకులు కూడా శీతాకాలం తెచ్చిన శోభను ఎంజాయ్ చేస్తున్నారు. ముఖ్యంగా మాడగడ మేఘసంద్రం టూరిస్టులను విశేషంగా ఆకట్టుకుంటోంది. ఈ పొగమంచు అందాలను ఆస్వాదించేందుకు జనం తరలివస్తున్నారు. తెల్లవారుజామున కొండల మధ్యలో మేఘాలతో ప్రకృతి పాల కడలిలా కమ్మేసే సీన్ చూసేందుకు పర్యాటకులు పెద్దఎత్తున వస్తున్నారు. సాయం సంధ్యవేలకే అక్కడకు చేరుకుని... గుడారాలు వేసుకుని సూర్యోదయం వేళ కనిపించే అద్భుత దృశ్యం కోసం వేచిచూస్తున్నారు.

• Read Latest Andhra Pradesh News and Telugu News