కరోనా భయంతో కఠిన నిర్ణయం.. విశాఖలో విషాదం

దేశంలో కరోనా అల్లకల్లోలం సృష్టిస్తోంది. కరోనా సోకి కొందరు మృత్యువాతపడితే.. ఆక్సిజన్ అందక.. సరైన సమయంలో వైద్యం లభించక ఎక్కువ మంది ప్రాణాలు కోల్పోతున్నారు. మరికొందరు కరోనా భయంతో బలవంతంగా ప్రాణాలు తీసుకుంటున్నారు. అలాంటి ఘటన తాజాగా విశాఖపట్నంలో చోటుచేసుకుంది. కరోనా సోకిందన్న భయంతో ఆస్పత్రి భవనంపై నుంచి దూకి ఆత్మహత్య చేసుకున్నాడో వ్యక్తి.

విశాఖ నగరానికి చెందిన సుధాకర్(49)కి ఇటీవల కరోనా సోకినట్లు నిర్ధారణ కావడంతో స్థానిక విమ్స్ ఆస్పత్రిలో చికిత్స పొందుతున్నాడు. కోవిడ్ సోకిందన్న భయంతో రోజురోజుకీ కుంగిపోయిన సుధాకర్ కఠిన నిర్ణయం తీసుకున్నాడు. ఆత్మహత్య చేసుకోవాలని నిర్ణయించుకున్నాడు. అమాంతం ఆస్పత్రి భవనంపై నుంచి కిందకు దూకేశాడు. తీవ్రగాయాలపాలైన సుధాకర్ అక్కడికక్కడే ప్రాణాలు కోల్పోయాడు. సమాచారం అందుకున్న అరిలోవ పోలీసులు సంఘటన స్థలానికి చేరుకున్నారు. కేసు నమోదు చేసుకుని దర్యాప్తు చేపట్టినట్లు సీఐ ఇమానుయేల్ రాజు తెలిపారు.

Also Read: