ఐదు కోట్ల రూపాయలతో అమ్మవారికి అలంకరణ.. రెండు కళ్లు చాలవు..

దసరా నవరాత్రుల్లో అమ్మవారి శోభ దేదీప్యమానంగా వెలిగిపోతోంది. రోజుకో అలంకారంతో అమ్మవారు భక్తులకు దర్శనమిస్తున్నారు. విశాఖ వన్‌టౌన్‌లో కన్యకా పరమేశ్వరి ఆలయంలో అమ్మవారు బుధవారం మహాలక్ష్మి అవతారంలో దర్శనమిచ్చింది.

ఈ సందర్భంగా అమ్మవారికి ఆలయ అధికారులు రూ.5 కోట్లతో అలంకరణ చేశారు. నూతన కరెన్సీ నోట్లు, బంగారం, వెండి ఆభరణాలతో అమ్మవారిని, ఆలయ ప్రాంగణాన్ని అలంకరించారు. మహాలక్ష్మి అమ్మవారిని చూసేందుకు భక్తులు పోటెత్తారు.

ఇలానే సోమవారం రోజు.. నెల్లూరు స్టోన్‌హౌస్ పేటలో కొలువైన శ్రీ కన్యకా పరమేశ్వరి దేవి ధనలక్ష్మి దేవిగా దర్శనమిచ్చింది. ఈ అలంకరణలో భాగంగా అమ్మవారిని, ఆలయాన్ని నయనానందకరంగా అలంకరించారు. దాదాపు రూ.10 కోట్ల ఖర్చుతో అమ్మవారిని సర్వాంగ సుందరంగా ముస్తాబు చేశారు. రూ.5.16 కొత్త కరెన్సీ నోట్లతో పాటు, 7 కిలోల బంగారం, 60 కిలోల వెండిని ఈ అలంకరణలో ఉపయోగించారు.