విశాఖ: భార్యను ఆస్పత్రిలో చేర్పించి.. తర్వాత, భర్త ఏం చేశాడో తెలిస్తే.. షాక్!

విశాఖపట్నం జిల్లాలో షాకింగ్ ఘటన చోటుచేసుకుంది. అనారోగ్యంతో ఉన్న భార్యను ఆస్పత్రిలో చేర్పించిన భర్త అనంతరం అక్కడి నుంచి పరారయ్యాడు. ఈ వ్యవహారంపై ఒకటో పట్టణ పోలీసులు తెలిపిన వివరాల ప్రకారం.. గూడెం కొత్తవీధి మండలం రామగెడ్డ గ్రామానికి చెందిన కుర్జి గణేష్‌కుమార్‌ (30).. తన భార్య సరస్వతికి అనారోగ్యం ఉండటంతో ఈనెల 3వ తేదీన కేజీహెచ్‌లో చేర్పించారు.

రెండు రోజుల పాటు అక్కడే ఉన్న గణేష్.. తర్వాత ఈనెల 5న ఆస్పత్రిలో మళ్లీ వస్తానని బంధువులకు చెప్పి బయటకు వెళ్లాడు. అయితే, వెళ్లిన వ్యక్తి మళ్లీ తిరిగిరాలేదు. అంతటా వెతికినా ఆచూకీ లభించలేదు. దీంతో గణేష్‌కుమార్‌ అన్నయ్య కళ్యాణ్‌ కుమార్‌ ఒకటో పట్టణ స్టేషన్‌లో ఫిర్యాదు చేశారు. దీనిపై కేసు నమోదు చేసుకున్న పోలీసులు దర్యాప్తు చేస్తున్నట్లు పోలీసులు పేర్కొన్నారు.