నిరుద్యోగుల ఉద్యమానికి మావోయిస్టుల మద్దతు.. జగన్ సర్కారుపై ఓ రేంజ్‌లో..!

జగన్ ప్రభుత్వానికి వ్యతిరేకంగా మావోయిస్టులు గళం విప్పారు. ఆంధ్రప్రదేశ్ ప్రభుత్వం విడుదల చేసిన జాబ్‌ క్యాలెండర్‌కు వ్యతిరేకంగా జరుగుతున్న ఆందోళనలకు మద్దతిస్తామని మావోయిస్టు విశాఖపట్నం తూర్పు డివిజన్‌ కమిటీ కార్యదర్శి అరుణ వెల్లడించారు. జగన్ ప్రభుత్వం రాష్ట్రంలో బూటకపు సంస్కరణలు చేస్తోందని ఆమె ఆక్షేపించారు. ఈ మేరకు ఆదివారం అరుణ పేరిట ఆడియో టేపు విడుదలైంది.

ఉద్యోగాల భర్తీపై ముఖ్యమంత్రి జగన్మోహన్ రెడ్డి ఇచ్చిన హామీలను నెరవేర్చలేదని అరుణ తెలిపారు. కొత్త విద్యా విధానం వల్ల 24 వేల ప్రాథమిక పాఠశాలలు మూతపడ్డాయని, 37 వేల మంది ఉపాధ్యాయులు ఉద్యోగాలు కోల్పోతున్నారని ఆందోళన వ్యక్తం చేశారు. అలాగే మన్యం ప్రాంతంలో 100 శాతం ఉద్యోగాలు గిరిజనులకే ఇవ్వాలని ఆమె డిమాండ్ చేశారు. జగన్ ప్రభుత్వ మోసపూరిత విధానాలపై ఉద్యమించాల్సి ఉందని ఆడియో టేపులో అరుణ పేర్కొన్నారు.