విశాఖ: మత్స్యకారుడి వలలో చిక్కిన అరుదైన చేప.. బాబోయ్ అంత పెద్దగా ఉందేంటి

Vizag: విశాఖలో మత్స్యకారుడి వలకు అరుదైన చేప చిక్కింది. ఈ చేప పేరు స్ట్రింగ్‌రే.. గురువారం విశాఖలోని సాగర్‌నగర్‌ బీచ్‌ సమీపంలో ఉన్న సముద్రంలో మత్స్యకారుల వలకు చిక్కింది. స్థానిక మత్స్యకారులు దీనిని టేకు చేప అంటారు. అయితే అన్ని చేపలకు లోపల ముళ్లుంటే.. దీనికి మాత్రం తోకలో ఒకే ఒక ముల్లు కలిసిపోయి బయటికి పొడుచుకొచ్చినట్లు ఉంటుంది.ఈ ముల్లు గుచ్చుకుంటే విపరీతమైన నొప్పితో బాధపడాల్సి ఉంటుందని మత్స్యశాఖ అధికారులు అంటున్నారు. ఇది ఒక్కో చేప దాదాపు 50 కిలోల బరువు పెరుగుతుంది అని చెబుతున్నారు. సాగరజలాల్లో లోపల ఉండే ఇవి ఆహార అన్వేషణలో ముందుకొచ్చే సమయంలో వలలకు చిక్కుతాయి. వీటిని అన్ని ప్రాంతాల్లోనూ తింటారని అధికారులు అంటున్నారు. ఇంత పెద్ద టేకు చేప చిక్కడం అరుదని మత్స్యకారులు చెబుతున్నారు. మొత్తం మీద ఈ చేపను చూసి స్థానికులు అవాక్కయ్యారు. ఆ చేప భారీగా ఉండటంతో చూసేందుకు అక్కడికి వచ్చారు.

• Read Latest Andhra Pradesh News and Telugu News