ఎంపీ విజయసాయిరెడ్డి లేఖకు స్పందించిన ఆర్బీఐ

నరసాపురం ఎంపీ రఘురామకృష్ణరాజుపై రాజ్యసభ సభ్యుడు విజయసాయి రెడ్డి రిజర్వ్ బ్యాంక్ ఆఫ్ ఇండియాకు ఫిర్యాదు చేస్తూ ఓ లేఖ రాశారు. రఘురామకృష్ణరాజుకు సంబంధించిన ఇండ్ భారత్ థర్మల్ పవర్ లిమిటెడ్‌కు సంబంధించిన బ్యాంక్ రుణాల అవకతవకలపై విచారణ చేపట్టాలని ఆ లేఖలో విజయసాయి రెడ్డి పేర్కొన్నారు. దీనిపై ఆర్బీఐ స్పందించింది.

రఘురామకృష్ణరాజు బ్యాంక్ రుణాల అవకతవకలపై తగిన చర్యలు తీసుకుంటామంటూ ఆర్బీఐ సీజీఎం జయశ్రీ గోపాలన్ తిరిగి విజయసాయిరెడ్డికి లేఖ రాశారు. సంబంధించిన ఇండ్ భారత్ థర్మల్ పవర్ లిమిటెడ్‌కు సంబంధించిన బ్యాంక్ రుణాల అవకతవకలపై విచారణ చేపట్టాలని ఈ ఏడాది జూలై 21న విజయసాయిరెడ్డి ఫిర్యాదు చేశారు. 2014-18 మధ్యలో పంజాబ్‌ కాన్సార్షియం దగ్గర రూ.826 కోట్ల రుణాలను ఇండ్‌ పవర్‌ తీసుకుంది.