విశాఖ మన్యంలో వైసీపీ దోపిడీ: మైనింగ్ మాఫియా అరాచకం చూడండి.. టీడీపీ సంచలనం!

ఆంధ్రప్రదేశ్‌లో వైఎస్సార్ కాంగ్రెస్ పార్టీ నాయకులు ఖనిజ సంపదను దోచుకుతింటున్నారని ప్రతిపక్ష తెలుగు దేశం పార్టీ తీవ్ర ఆరోపణలు చేసింది. విశాఖపట్నం మన్యంలోకి వైసీపీ మాఫియా బాక్సైట్ అక్రమ మైనింగ్ ప్రదేశానికి ఎవరినీ రానీయకుండా బెదిరింపు బోర్డులు పెట్టి మరీ దోచుకుంటోందని ఆరోపించింది. రూ.15 వేల కోట్ల బాక్సైట్ కోసం వైసీపీ మైనింగ్ మాఫియా అడవిని నాశనం చేసిందని పేర్కొంది. ఈ మేరకు టీడీపీ వరుస ట్వీట్లు చేసింది.


‘‘విశాఖ మన్యంలో వైసీపీ మాఫియా బాక్సైట్ అక్రమ మైనింగ్ ప్రదేశానికి ఎవరినీ రానీయకుండా బెదిరింపు బోర్డులు పెట్టి మరీ దోచుకుంటోంది. అక్కడ జరిగే దోపిడీకి ఈ బోర్డే నిదర్శనం.

అయితే రూ.15 వేల కోట్ల బాక్సైట్ కోసం వైసీపీ మైనింగ్ మాఫియా ఎంత అడవిని నాశనం చేసిందో గూగుల్ శాటిలైట్ ఫోటో చెప్పేసింది.’’ అని తెలుగు దేశం పార్టీ అధికారిక ట్విట్టర్ ఖాతాలో పేర్కొంది.