అల్లూరి జిల్లాలో దంపతుల ఆత్మహత్యాయత్నం కలకలంరేపింది. అరకు చాపరాయి దగ్గర పురుగుల మందు తాగి అపస్మారక స్థితిలో ఉన్న దంపతులను స్థానికులు గుర్తించారు. వీరిని రంగారెడ్డి జిల్లా కొండాపూర్ మండలం సిరిసింగంపల్లి గ్రామానికి చెందిన సంతోష్ కుమార్ సునీతగా గుర్తించారు. ఇద్దర్ని అంబులెన్స్‌లో డంబ్రిగుడ అక్కడి నుంచి కింగ్ జార్జ్ ఆసుపత్రికి తరలించారు. గర్భవతి అయిన సునీత ఆరోగ్య పరిస్థితి విషమంగా ఉంది. ఆర్థిక ఇబ్బందుల కారణంగానే ఆత్మహత్యాయత్నానికి పాల్పడినట్టు పోలీసుల అనుమానిస్తున్నారు. ఈ ఘటనకు సంబంధించిన పూర్తి వివరాలు తెలియాల్సి ఉంది. వీరు అరకు ఎందుకు వచ్చారు.. ఎప్పుడు వచ్చారు అనే కోణంలో పోలీసులు ఆరా తీస్తున్నారు.
అరకు సమీపంలో తెలంగాణకు చెందిన జంట ఆత్మహత్యాయత్నం
రంగారెడ్డి జిల్లాకు చెందిన దంపతులు అరకు సమీపంలో అపస్మారస్థితిలో కనిపించారు. వీరిద్దరు పురుగులమందు తాగి ఆత్మహత్యాయత్నం చేశారు. వెంటనే వీరిని ఆస్పత్రికి తరలించారు
