ఫొటో షూట్‌కెళ్లి ఊబిలోకి.. విశాఖలో ముగ్గురు యువకుల దుర్మరణం

పెళ్లినాటి మధుర జ్ఞాపకాలను పదిలంగా భద్రపరుచుకోవాలని తహతహలాడుతున్నారు నేటి యువత. తమ అభిరుచికి తగినట్లుగా ఫొటో షూట్‌లు చేయించుకుంటున్నారు. ఫొటోలకు ఫోజులిస్తూ కొన్నిసార్లు ప్రాణాల మీదకు తెచ్చుకుంటున్నారు. తాజాగా అలాంటి ఘటన విశాఖ జిల్లాలో జరిగింది. పెళ్లి ఫొటో షూట్ కోసం జలపాతం దగ్గరికి వెళ్లిన ముగ్గురు యువకులు ఊబిలో చిక్కుకుని ప్రాణాలు కోల్పోవడం స్థానికంగా కలకలం రేపింది. హుకుంపేట సమీపంలోని ఓ జలపాతం వద్ద ఈ ఘటన జరిగింది. యువకులు ఊబిలో కూరుకుపోయి ప్రాణాలు కోల్పోయారు. మృతులను మోరి. నిరంజన్(18), బాకురు వినోద్ కుమార్(25), తమరబ శివనాగేంద్ర కుమార్‌లుగా గుర్తించారు. సమాచారం అందుకున్న పోలీసులు సంఘటన స్థలానికి చేరుకున్నారు. మృతదేహాలను ఊబి నుంచి బయటకు తీసేందుకు ప్రయత్నాలు చేస్తున్నారు. పూర్తి వివరాలు తెలియాల్సి ఉంది.

Also Read: