జూలై నుంచి సెప్టెంబరు వరకు ఇబ్బందులు, ఎందుకంటే.. జగన్, కేసీఆర్ జాతకాలు ఇలా: స్వరూపానందేంద్ర

Swaroopanandendra Saraswati Ugadi Panchangam: విశాఖ శ్రీ శారదా పీఠంలో ఉగాది వేడుకలు నిర్వహించారు. పీఠం గంటల పంచాంగాన్ని శ్రీ స్వరూపానందేంద్ర సరస్వతి స్వామి ఆవిష్కరించారు. కాల సర్ప దోషం కారణంగా మూడేళ్ళుగా దేశం ఇబ్బందులు పడినట్లు తెలిపారు స్వరూపానందేంద్ర. ఈ ఏడాది చతుర్ గ్రహ కూటమితో కొత్త సంవత్సరం ప్రారంభమవుతోందని.. దీని వల్ల దేశానికి ఇబ్బందులు తప్పవన్నారు. ప్రధాని, తెలుగు రాష్ట్రాల ముఖ్యమంత్రుల జాతకాలు బాగుండటంతో కొంతవరకు ఇబ్బందులు తొలగుతాయన్నారు. ఉత్తరాదిలో హింసాత్మక ఘటనలు చోటు చేసుకుంటాయని.. దేశమంతటా వాహన ప్రమాదాలు అధికమవుతాయన్నారు. ఎండలు, వడ దెబ్బలు ఎక్కువగా ఉంటాయని.. జూలై నుంచి సెప్టెంబరు వరకు ఇబ్బందికరమైన పరిస్థితులు కొనసాగుతాయన్నారు. విదేశాల్లో ప్రకృతి వైపరీత్యాలు సంభవిస్తాయని స్వామి స్వరూపానందేంద్ర సరస్వతి తెలిపారు. పచ్చని పంట పొలాలతో రైతులు బావుండాలని.. ప్రజలు, పాలన బావుండాలని దేవుడ్ని కోరుకుంటున్నాను అన్నారు. పంచాంగం ఆవిష్కరణకు ముందు ఉగాది సందర్భంగా ప్రత్యేక పూజలు నిర్వహించారు.

• Read Latest Andhra Pradesh News and Telugu News