విశాఖ: నాగుపాముకు సర్జరీ చేసి ప్రాణాలు కాపాడిన డాక్టర్

పాము ఎదురుగా కనిపిస్తే భయంతో పరుగులు తీస్తాం.. అదే నాగుపాము ఎదురుపడితే.. బాబోయే ఆ చుట్టపక్కల కనిపించం. అలాంటిది విశాఖలో మాత్రం ఓ డాక్టర్ నాగుపాముకు సర్జరీ చేసి ప్రాణం పోశారు. గాజువాక సమీపంలో ఆరు అడుగుల పొడవున్న నాగు పాము కనిపించింది.. అది భవనం పై జారిపడిపోయింది. అక్కడి నుంచి కదల్లేని పరిస్థితిలో పాము అక్కడే ఉండిపోయింది. పామును గమినించిన స్థానికులు స్నేక్ క్యాచర్‌కు సమాచారం ఇచ్చారు.స్నేక్‌ క్యాచర్‌ అక్కడికి చేరుకుని పామును పరిశీలించాడు. పై నుంచి పడటంతో గాయాలు కాగా.. తనకు తెలిసిన వైద్యం అందించాడు. అనంతరం మల్కాపురం పశువుల ఆస్పత్రి వైద్యుడు సునీల్‌‌ను సంప్రదించారు. ఆయన కూడా నాగపాము పరిస్థితిని గమనించి.. గంటపాటు సర్జరీ చేసి పాము తలభాగంలో కుట్లు వేశారు. పాము ఆరోగ్యం నిలకడగా ఉందని డాక్టర్ సునీల్ చెబుతున్నారు. నాగపాముకు సర్జరీ చేయడ ఆ చుట్టుపక్కల ప్రాంతాల్లో ఆసక్తికరంగా మారింది. గతంలో ఇలాంటి ఘటన ఒడిశాలో కూడా జరిగింది. అక్కడ కింగ్ కోబ్రా గాయపడగా సర్జరీ చేసి ప్రాణాలు కాపాడారు.

• Read Latest Andhra Pradesh News and Telugu News