విశాఖ: ఓ ఇంటి బయట కింగ్‌ కోబ్రా.. భయంతో జనం పరుగులు, చూస్తేనే వణుకుపుట్టేలా

విశాఖ జిల్లాలో కింగ్ కోబ్రా కలకలంరేపింది. మాడుగుల నూకాలమ్మ కాలనీలో కొత్త అమావాస్య కావడంతో స్థానికులు నూకాలమ్య జాతరకు వెళ్లారు. ఇదే క్రమంలో గండి నాని అనే వ్యక్తి ఇంటిని ఆనుకొని భారీ కింగ్ కోబ్రా కనిపించింది.. దానిని చూడగానే జనాలు భయంతో పరుగులు తీశారు. వెంటనే అప్రమత్తమై ఈస్టర్‌ గార్డ్‌ వైల్డ్‌ లైఫ్‌ సొసైటీ వారికి ఫోన్ చేసి సమాచారం అందించారు. చోడవరం ఫారెస్టు రేంజర్‌ రామ్‌ నరేష్‌ బిర్లాంగి మాడుగులకు చెందిన స్నేక్‌ క్యాచర్ పి.వెంకటేశష్ గిరి నాగును పట్టుకొని తాటిపర్తి పంచాయతీ శివారు గరికబంద అటవీ ప్రాంతంలో విడిచిపెట్టారు. దీంతో స్థానికులు ఊపిరి పీల్చుకున్నారు. ఈ కింగ్‌ కోబ్రా 12 అడుగుల పొడవు ఉంది. ఇవి హాని చేయవని.. ఎవరూ కంగారుపడాల్సిన పని లేదంటున్నారు. ఎక్కడ విషపూరితమైన సర్ప జాతులు ఉంటాయో వాటిని తినడానికి వస్తాయన్నారు.. కానీ ఈ పాము ఆకారం చూసి జనాలు భయపడతారంటున్నారు. కర్రలతో ఈ గిరి నాగుపై దాడి చేసి చంపడానికి ప్రయత్నిస్తున్నారని.. ఎవరికైనా ఇలాంటి సర్ప జాతులు కనబడితే వెంటనే అటవీ అధికారులకు సమాచారం ఇవ్వాలని కోరారు.