విశాఖలో ఘోర ప్రమాదం, త్రీ టౌన్ సీఐ మృతి.. మరో రెండేళ్లలో రిటైర్మెంట్, ఇంతలోనే!

విశాఖ ఎండాడ జాతీయ రహదారిపై ఘోర రోడ్డు ప్రమాదం జరిగింది. పోలీసు వాహనాన్ని గుర్తు తెలియని వాహనం ఢీకొట్టింది. త్రీ టౌన్ సీఐ కరణం ఈశ్వరరావు అక్కడికక్కడే చనిపోగా, డ్రైవర్‌కు తీవ్రగాయాలు అయ్యాయి. బాధితుడ్ని వెంటనే ఆస్పత్రికి తరలించారు. నైట్ డ్యూటీ ముగించుకుని వెళుతుండగా ప్రమాదం జరిగింది.. పోలీసు వాహనం పూర్తిగా ధ్వంసమైంది. ఈ ఘటనపై పోలీసులు ఆరా తీస్తున్నారు.. ప్రమాదం జరిగిన ప్రాంతానికి సమీపంలో ఉన్న సీసీ ఫుటేజ్ పరిశీలిస్తున్నారు.సీఐ కుటుంబాన్ని విశాఖ సీపీ మనీష్ కుమార్ పరామర్శించారు. సీఐ ఈశ్వరరావు మరో రెండేళ్లలో రిటైర్మెంట్ ఉందన్నారు.. ఈలోగా ఇలా జరగడం బాధ కలిగించింన్నారు సీపీ. ఈ ఘటనతో కుటుంబసభ్యులు తీవ్ర దిగ్భ్రాంతికి గురయ్యారని.. ఒక కుమారుడు చెన్నై నుంచి రావాలన్నారు. సీసీ టీవీ పుటేజ్ పరిశీలించిన తర్వాత ప్రమాదం ఎలా జరిగింది అనేది చెప్పగలమన్నారు.