విజయనగరం: ఎస్సైపై దాడి చేసిన యువకులు.. షాకింగ్ వీడియో

విజయనగరం జిల్లాలో ఎస్సైపై యువకులు దాడి చేయడం కలకలంరేపింది. పాచిపెంట ఎస్సై రమణపై ఇద్దరు యువకులు దాడికి దిగారు. గరుగుబిల్లి మండలం ఖడ్గవలస దగ్గర బైక్ ‌పై యువకులు అతి వేగంగా వెళ్తున్నారు.. దీంతో ఎస్సై యువకులను వారించారు. ఇద్దరు ఆగ్రహంతో రెచ్చిపోయారు.. రమణపై దాడికి దిగారు. ఆయన చొక్కాను చించేశారు.. హెల్మెట్ తీసుకొని కొట్టే ప్రయత్నం చేశారు. స్థానికులు ఎస్సైపై దాడి ఘటనను మొబైల్‌లో రికార్డ్ చేశారు.. ఆ తర్వాత ఇద్దరు యువకులను పోలీసులు అదుపులోకి తీసుకున్నారు. ఎస్సై రమణకు స్వల్ప గాయాలు అయ్యాయి. ఎస్సైపై రోడ్డుపైనే ఇలా యువకులు దాడి చేయడం హాట్‌టాపిక్ అయ్యింది. ఈ ఘటనకు సంబంధించిన పూర్తి వివరాలు తెలియాల్సి ఉంది.