అన్నతో వెళ్లిపోయిన చెల్లెలు.. తట్టుకోలేని తల్లి.. విషాదం

తెలిసీ తెలియని వయసులో ప్రేమ పేరుతో వావీవరసలను మంటగలుపుతున్న దారుణ ఘటనలు వెలుగుచూస్తున్నాయి. కుటుంబాల్లో చిచ్చు రాజేస్తున్నాయి. తల్లిదండ్రులకు తీవ్ర అవమానాన్ని మిగుల్చుతున్నాయి. అన్నతో ప్రేమలో పడిన చెల్లెలు అతనితో వెళ్లిపోయింది. కూతురు చేసిన పనికి అవమాన భారంతో కుంగిపోయిన తల్లి అఘాయిత్యానికి ఒడిగట్టింది. ఈ అత్యంత విషాద ఘటన విశాఖ జిల్లాలో జరిగింది.

మాడుగుల మండలంలోని ఓ గ్రామానికి చెందిన వెంకటేష్ అదే గ్రామానికి చెందిన సోదరి వరసయ్యే టీనేజ్ యువతి(16) ప్రేమించుకున్నారు. అనూహ్యంగా ఇద్దరూ నెల రోజుల కిందట ఇంటి నుంచి వెళ్లిపోయారు. యువతీయువకులు కనిపించకుండా పోవడంతో తల్లిదండ్రులు పోలీసులకు ఫిర్యాదు చేశారు. గాలింపు చర్యలు చేపట్టిన పోలీసులు ఎట్టకేలకు నిందితుడు వెంకటేష్, టీనేజ్ యువతిని పట్టుకొచ్చారు.

సోదరుడితో వెళ్లిపోయి తిరిగొచ్చిన కూతురిని చూసి అవమానంగా భావించిన ఆమె తల్లి ఆత్మహత్యాయత్నం చేసింది. పురుగులమందు తాగేసింది. గమనించిన కుటుంబ సభ్యులు ఆస్పత్రికి తీసుకెళ్లడంతో చికిత్స పొందుతూ ప్రాణాలు విడిచింది. వెంకటేష్ కారణంగానే ఆమె ఆత్మహత్య చేసుకుందని ఆగ్రహం చెందిన గ్రామస్థులు అతని ఇంటిని తగలబెట్టారు.

Also Read: