ఆ ఘనత ఒక్క ఎన్టీఆర్‌కు దక్కుతుంది.. వైసీపీ నేత ప్రశంసలు

ఎన్టీఆర్‌పై ప్రశంసలు కురిపించారు వియజనగరం జెడ్పీటీసీ ఛైర్మన్, వైసీపీ నేత మజ్జి శ్రీనివాసరావు. విజయనగరంలో రెండు రోజుల పాటు జరిగే రాష్ట్ర స్థాయి చిరుధాన్యాల మహోత్సవంలో ఆయన పాల్గొన్నారు. ఎన్టీఆర్ ముఖ్యమంత్రిగా ఉన్న సమయంలో తీసుకున్న నిర్ణయాలను శ్రీనివాసరావు ప్రస్తావించారు. ఆయన కిలో బియ్యాన్ని రూ.2కే ఇచ్చి పేదలను ఎన్టీఆర్‌ ఆదుకున్నారని చెప్పారు. ఉమ్మడి రాష్ట్రంలో 1980వ దశకంలో ఆహార ధాన్యాల కొరత ఉండేదన్నారు శ్రీనివాసరావు. అయినా సరే అప్పటి ముఖ్యమంత్రి ఎన్టీఆర్‌ రాష్ట్ర ప్రజలకు 3 పూటలా అన్నం పెట్టేవారని ప్రశంసించారు. ఈ పథకానికి అప్పట్లో మంచి స్పందన వచ్చిందని.. ప్రస్తుతం బియ్యం వినియోగం తగ్గి.. చిరుధాన్యాల అవసరం ఎక్కువైంది అన్నారు. ఈ మేరకు తమ ప్రభుత్వం చర్యలు తీసుకుంటోందని తెలిపారు. ఎన్టీఆర్ మంచి పనులు చేశారంటూ శ్రీనివాసరావు పొగిడేశారు.

సెంట్రల్ మినిస్ట్రీ ఆఫ్‌ ఫుడ్‌ ప్రాసెసింగ్‌ ఇండిస్టీస్‌, ఆంధ్రప్రదేశ్‌ ఫుడ్‌ ప్రాసెసింగ్‌ సొసైటీల ఆధ్వర్యంలో రాష్ట్ర స్థాయి మిల్లెట్‌ (చిరు ధాన్యాల) మహోత్సవం నిర్వహించారు. రాష్ట్రవ్యాప్తంగా ఈ కార్యక్రమాలను నిర్వహించగా.. చిరుధాన్యాలతో చేసిన వివిధ రకాల ఆహార పదార్థాలు, వంటల ప్రదర్శన, విక్రయాలను 25 స్టాళ్లను ఏర్పాటు చేశారు.

• Read Latest Andhra Pradesh News and Telugu News