కొంచెం రిలీఫ్.. గాయపడ్డ కొహ్లీకి ప్రియురాలి పరామర్శ!

ఆస్ట్రేలియాతో టెస్టు సీరిస్ సందర్భంగా గాయపడి.. బోర్డర్ గవాస్కర్ ట్రోఫీ చివరి టెస్టు మ్యాచ్ కు, ఐపీఎల్ ఆరంభ మ్యాచ్ లకు దూరం అయిన టీమిండియా కెప్టెన్ విరాట్ కొహ్లీకి ప్రియురాలి పరామర్శ దక్కింది. తాజాగా అందుకు సంబంధించిన ఫొటోలు సోషల్ మీడియాలో షికారు చేస్తున్నాయి. తన పరామర్శకు వచ్చిన అనుష్కతో కొహ్లీ ఉన్న ఫొటోలు ఆసక్తికరంగా ఉన్నాయి.

భుజం నొప్పితో బాధపడుతున్న కొహ్లీకి ప్రియురాలి పరామర్శ రిలీఫ్ నిచ్చేదే అని నెటిజన్లు వ్యాఖ్యానిస్తున్నారు. కొహ్లీ, అనుష్కల మధ్య ప్రేమ బంధానికి కూడా ఈ పరామర్శ చక్కటి ఉదాహరణగా చెప్పవచ్చు. మ్యాచ్ లకు దూరం కావడం అనేది కొహ్లీ లాంటి ప్రొఫెషనల్ ను మరింతగా ఇబ్బంది పెట్టేదే.. ఇలాంటి సమయంలో అతడిని అనుష్క కొంత ఊరడించి ఉంటుందనే వ్యాఖ్యానాలు వినిపిస్తున్నాయి.



ఈ ఫొటోలు ఇటీవల అనుష్క బెంగళూరుకు వచ్చినప్పటివని తెలుస్తోంది. ఐపీఎల్ లో కొహ్లీ ఆర్సీబీకి ప్రాతినిధ్యం వహిస్తున్న సంగతి తెలిసిందే. తన సినిమా పనుల్లో బిజీగా ఉన్న అనుష్క ప్రత్యేకంగా అక్కడకు వచ్చింది. చాన్నాళ్లుగా కొహ్లీ ఆడుతున్న వేళ అనుష్క మైదానంలో, వీఐపీ స్టాండ్స్ లో కనిపించడం మానేసింది. మ్యాచ్ కు , మ్యాచ్ కు మధ్య విరామాల్లో మాత్రమే వీరు కలుసుకుంటూ వస్తున్నారు.