డ్యూయల్ సిమ్ ఐఫోన్ వచ్చేస్తోందా?

యాపిల్ ఐ ఫోన్ ప్రియులకు శుభవార్త. ఇప్పటివరకు సింగిల్ సిమ్ తోనే కాలం గడిపేస్తున్న ఐఫోన్ వినియోగదారులు ఇకపై డ్యూయల్ సిమ్ గల ఐఫోన్ ను ఎంజాయ్ చేసే అవకాశం త్వరలో రానుంది. ప్రపంచ వ్యాప్తంగా రెండు సిమ్ ల ఫోన్లకు మంచి డిమాండ్ ఉందనే సంగతి అందరికి తెలిసిందే. దీంతో డ్యూయల్ సిమ్ గల ఆండ్రాయిడ్ మొబైల్స్ హాట్ కేకుల్లా అమ్ముడుపోతున్నాయి. కానీ, ఏ కారణం చేతనో కానీ యాపిల్ సంస్థ ఇప్పటి వరకు డ్యూయల్ సిమ్ ఫోన్ల తయారీపై దృష్టిపెట్టలేదు. ఇటీవలి కాలంలో సంస్థ ఆలోచనల్లో మార్పువచ్చింది.

ఈ నేపథ్యంలో తాను కూడా రెండ్ సిమ్ ల ఫోన్లను తయారుచేసే విషయమై దృష్టి సారించింది. ఇందుకు సంబంధించిన సాంకేతికపరమైన ఏర్పాట్లు చేసుకోవడంతో పాటు పేటెంట్ హక్కులు కూడా పొందింది. వచ్చే ఏడాది విడుదల చేయనున్న ఐఫోన్ 8లో డ్యూయల్ సిమ్ సదుపాయం కల్పించే అవకాశం ఉందని వార్తలు వస్తున్నాయి.