గురు పుష్య యోగం ఎప్పుడంటే..
గురు పుష్య యోగాన్ని గురు పుష్య నక్షత్ర యోగం అని కూడా అంటారు. దీన్ని ఎంతో శుభప్రదమైనదిగా పరిగణిస్తారు. మే 25వ తేదీన గురువారం నాడు ఉదయం 5:26 గంటల నుంచి సాయంత్రం 5:54 గంటల వరకు గురు పుష్య యోగం ఉంటుంది. ఈ శుభ సమయంలో మీరు ఎలాంటి శుభకార్యాలైనా ప్రారంభించొచ్చు. అదే విధంగా ఏవైనా కొత్త వస్తువులను కూడా కొనుగోలు చేయొచ్చు. ఇలా చేయడం వల్ల మీకు శుభ ఫలితాలొస్తాయి.
Venus Mars Conjunction కర్కాటకంలో శుక్రుడు, కుజుడి కలయికతో ఈ 6 రాశుల వారు కెరీర్లో దూసుకెళ్తారు...! ఇందులో మీ రాశి ఉందేమో చూసెయ్యండి...
ఇవి కొనొచ్చు..
* గురు పుష్య యోగం వేళ మీ శక్తి మేరకు బంగారాన్ని కొనుగోలు చేయాలి. ఈ పవిత్రమైన రోజున బంగారాన్ని కొనుగోలు చేయడం వల్ల సంపద, ఆనందం, శ్రేయస్సు పెరుగుతాయని చాలా మంది నమ్ముతారు.
* గురు పుష్యం యోగం రోజున పసుపును కొనాలి. ఈ యోగంలో పసుపును కొనుగోలు చేయడం వల్ల శుభానికి సంకేతంగా పరిగణించబడుతుంది. ఎవరైతే బంగారం కొనలేకపోతారో.. వారంతా పసుపును కొనుగోలు చేయొచ్చు.
* గురు పుష్యం యోగం రోజున శనగపప్పు, పసుపుతో పాటు పసుపు రంగులో ఉండే బట్టలు, ఇత్తడి పాత్రలు, నెయ్యి వంటి వాటిని కూడా కొనుగోలు చేయొచ్చు.
* గురు పుష్య యోగం నాడు బంగారం లేదా వెండి నాణెలను కొనడం వల్ల మీ జీవితంలో పురోగతి లభిస్తుంది.
* గురు పుష్య యోగం సమయంలో గురు ప్రభావం ఎక్కువగా ఉంటుంది. కాబట్టి ఈ పవిత్రమైన రోజున మీరు మతపరమైన పుస్తకాలను కొనుగోలు చేయొచ్చు. దీని వల్ల మీరు కచ్చితంగా ప్రయోజనం పొందుతారు.
గురుడి స్థానం బలంగా మారాలంటే..
మీ జాతకంలో గురువు స్థానం బలహీనంగా ఉంటే గురు పుష్య యోగం రోజున బ్రహ్మ ముహుర్తంలో నిద్ర లేచి స్నానం చేసి విష్ణుమూర్తితో పాటు లక్ష్మీదేవిని ఆరాధించాలి. అనంతరం విష్ణు సహస్రనామం పారాయణం చేసి కుంకుమ, పప్పులను దానం చేయాలి. మీ నుదుటిపై కుంకుమ తిలకాన్ని రాయాలి. ఈరోజున ఎవ్వరి దగ్గర రుణాలు తీసుకోవద్దు. లేదంటే ఆర్థిక పరమైన ఇబ్బందులను ఎదుర్కోవాల్సి వస్తుంది.
pregnant women and snake గర్భిణీ స్త్రీలను పాములు ఎందుకు కాటేయవు.. దీని వెనుక ఉన్న రహస్యాలేంటో తెలుసా...
లక్ష్మీదేవి ఆశీస్సుల కోసం..
గురు పుష్యం యోగం రోజున శ్రీ సూక్త పారాయణం చేయడం వల్ల లక్ష్మీదేవిని త్వరగా ప్రసన్నం చేసుకోవచ్చు. ఈ పవిత్రమైన రోజున లక్ష్మీదేవిని పూజించడం వల్ల విశేష ఫలితాలొస్తాయి. ఈరోజున ఉపవాసం ఉండటం వల్ల మీ జీవితంలోని ప్రతి రంగంలోనూ విజయం సాధిస్తారు. గురు పుష్య యోగం రోజున మీ ఇంట్లో సూర్యోదయం, సూర్యాస్తమయం వేళ లక్ష్మీదేవి ముందు నెయ్యితో దీపం వెలిగించాలి. లక్ష్మీదేవి మంత్రాలను పఠించాలి.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.
Read Latest Astrology News and Telugu News