ఈ మంత్రాలను జపించాలి..
ఆదివారం రోజున తెల్లవారుజామునే అంటే సూర్యోదయానికి ముందే నిద్ర లేచి తలస్నానం చేసి ఉతికిన బట్టలను ధరించాలి. ఆ తర్వాత సూర్యుడికి అర్ఘ్యాన్ని సమర్పించాలి. అర్ఘ్యం సమర్పించేటప్పుడు ‘ఓం సూర్యాయ నమః, ఓం వాసు దేవాయ నమః, ఓం ఆదిత్య నమః’ అనే మంత్రాలను జపించాలి. ఇలా చేయడం వల్ల సూర్యుడు సంతోషించి మీ కోరికలన్నీ నెరవేరుస్తాడు.
Garuda Puranam in Telugu గరుడ పురాణం ప్రకారం, ఈ 5 అలవాట్ల వల్ల పేదరికం పెరుగుతుంది..!
స్నానం చేసే నీటిలో..
ఆదివారం రోజున మీరు స్నానం చేసే నీటిలో ఎర్రని పువ్వులు వేసి స్నానం చేయాలి. ఇవే కాకుండా ఎర్రచందనం, యాలకులు, పానీయాలు లేదా కుంకుమపువ్వును కూడా నీటిలో వేసి స్నానం చేస్తే సూర్యభగవానుడి ప్రత్యేక అనుగ్రహం లభిస్తుందని పండితులు చెబుతున్నారు. దీంతో మీ జీవితంలోని బాధలన్నీ తొలగిపోతాయి. అలాగే ముఖ్యమైన పని కోసం బయటికి వెళ్తుంటే నుదుటిపై ఎర్ర చందనం తిలకం రాయండి. దీని వల్ల మీ ప్రతిష్ట పెరుగుతుంది. ఈ సమయంలో మీ పెండింగ్ పనులు కూడా పూర్తవుతాయి.
నేతి దీపం వెలిగించాలి..
ఆదివారం రోజున మీ ఇంటి బయట అంటే ప్రధాన ద్వారానికి రెండు వైపులా ఆవు నెయ్యితో దీపారాధన చేయాలి. ఇలా చేయడం వల్ల సూర్య భగవానుడితో పాటు లక్ష్మీదేవి కూడా అనుగ్రహిస్తుంది. ఈ కారణంగా మీకు శుభ ఫలితాలొస్తాయి. మీ సంపద పెరిగేందుకు అవకాశాలు మరింత పెరుగుతాయి. సూర్యాస్తమయం తర్వాత రావి చెట్టు కింద నాలుగు ముఖాల దీపం వెలిగించాలి. ఇలా చేయడం వల్ల మీకు ఆర్థిక సమస్యల నుంచి ఉపశమనం లభిస్తుంది.
పేదరికాన్ని పోగొట్టుకోవచ్చు..
శనివారం రాత్రి పడుకునే ముందు మీ తల దగ్గర ఆవు పాల సీసాను ఉంచండి. ఆదివారం ఉదయం తలస్నానం చేసి పూజ చేసిన తర్వాత ఈ పాలను తాగాలి. ఇలా చేయడం వల్ల మీ జీవితంలో సానుకూల మార్పులు వస్తాయి. మీ మానసిక స్థితి సంతోషంగా, స్థిరంగా ఉంటుంది. అలాగే ఆదివారం రోజున చీమలకు పంచదార తినిపించడం వల్ల లక్ష్మీదేవి సంతోషిస్తుంది. ఈ పరిహారాలను పాటించడం వల్ల మీ ఆర్థిక పరిస్థితి మెరుగుపడి పేదరికాన్ని పోగొట్టుకోవచ్చు.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.
Read Latest Religion News and Telugu News