జాతకంలో ఏ గ్రహం బలహీనంగా ఉంటే, తండ్రీ కొడుకుల మధ్యలో గొడవలు పెరుగుతాయో తెలుసా...

వేద జ్యోతిష్యశాస్త్రం ప్రకారం, సూర్యుడిని గ్రహాలకు రాజుగా పరిగణిస్తారు. సూర్య గ్రహాన్ని కుటుంబ జీవితంలో తండ్రి స్థానంగా పరిగణిస్తారు. అలాంటి సూర్యుడు మన జాతకంలో బలంగా ఉంటే అన్ని రంగాల్లోనూ అద్భుత విజయాలు సాధించొచ్చు. అదే సమయంలో సూర్యుడు బలహీనంగా ఉంటే మాత్రం ఇబ్బందులు తప్పవు. ఈ సందర్భంగా సూర్యుడిని జాతకంలో బలంగా ఎలా మార్చుకోవాలి.. బలహీనంగా ఉన్నప్పుడు ఎలాంటి నివారణలు పాటించాలనే ఆసక్తికరమైన విషయాలను ఇప్పుడు తెలుసుకుందాం...

ఒక వ్యక్తి తన తండ్రిని గౌరవించకపోతే, ప్రతి విషయంలో అతనితో గొడవపడి, వారి ప్రవర్తనలో సైద్ధాంతిక విభేదాలు వచ్చి వారితో సంబంధాలు చెడిపోతే, వారి జాతకంలో సూర్యుడు బలహీనంగా ఉన్నాడని అర్థం.

జాతకంలో సూర్యుని స్థానాన్ని బట్టి తండ్రి వ్యక్తిత్వం గురించి తెలుసుకోవచ్చు. తండ్రి కఠినంగా, కోపంగా ఉన్నారా లేదా అతని ప్రవర్తన సరిగ్గా ఉందో లేదో తెలుసుకోవచ్చు. అటువంటి పరిస్థితిలో, ఒక కొడుకు లేదా కుమార్తె వారిని గౌరవించకపోతే, వారిని దూరంగా ఉంచినట్లయితే లేదా వారిని అవమానించినట్లయితే, వారు తమ కొడుకును పాడు చేస్తున్నట్లు భావించొచ్చు.

Mrityu Panchak 2023 మృత్యు పంచక యోగం వేళ శుభకార్యాలను ఎందుకు నిషేధించారో తెలుసా...

జ్యోతిష్యంలో సూర్యుని ప్రాముఖ్యత..
జ్యోతిష్యశాస్త్రంలో సూర్యుడిని ఆత్మ యొక్క అంశంగా పరిగణిస్తారు. సూర్యునికి సంబంధించిన నక్షత్రాలు కృత్తిక, ఉత్తరాషాఢ, ఉత్తర ఫాల్గుణి. రాశిచక్రాలలో ఐదో స్థానంలో ఉండే సింహ రాశికి అధిపతి. కలప, మిరియాలు, గడ్డి, జింక, సింహం, ఉన్ని, బంగారు ఆభరణాలు, రాగి తదితర మూలకాలు కూడా.
శరీరంలో కడుపు, కళ్లు, గుండె ముఖాన్ని సూచిస్తాయి. ఈ గ్రహం కళ్లు, తల, రక్తపోటు, బట్టతల జ్వరం వంటి వ్యాధులకు కారణమవుతుంది. లోహంలో రాగి, రత్నంలో రూబీ సూర్యునితో ముడిపడి ఉన్న విలువైన రాళ్లుగా పరిగణిస్తారు.

సూర్యుని బలహీనతలు..
జాతకంలో సూర్యుడి స్థానం బలహీనంగా ఉంటే, వారి వయసు కేవలం 50 సంవత్సరాలుగా లెక్కించబడుతుంది. సూర్యుడు ఏడు గుర్రాల రథంతో ప్రయాణం చేస్తున్నాడు. సూర్యుడు అత్యంత శక్తివంతమైన గ్రహం. సూర్యునికి చంద్రుడు, అంగారకుడు(కుజుడు), గురుడు స్నేహితులుగా ఉంటారు. శని మరియు శుక్రుడు శత్రువులుగా ఉంటారు.

Shani Jayanti 2023 ఈ నెలలోనే శని జయంతి.. ఏలినాటి శని దోషం పోవాలంటే ఇలా చేయండి...!
సూర్యుని ప్రభావాలు..
జాతకంలో సూర్యుడు బలహీనంగా ఉంటే, వారు అనేక వ్యాధులతో బాధపడొచ్చు. జీవితంలో పురోగతి సాధించలేరు. చాలా సమయాల్లో ఒత్తిడికి గురవుతారు. ఆర్థిక సమస్యలతో ఇబ్బంది పడొచ్చు. సూర్యుడిని ప్రసన్నం చేసుకోవడానికి అనేక చర్యలు తీసుకోవచ్చు. కొందరు సూర్యునికి నీళ్లు సమర్పిస్తారు.

సూర్యుడికి బలోపేతం చేయడానికి నివారణలు..
* ఆదివారం రోజున సూర్యునికి రాగి పాత్ర నుంచి నీటిని సమర్పించాలి.
* ఆదివారం రోజున సూర్య భగవానుడిని పూజించాలి.
* ఆదివారం రోజున ఉపవాసం ఉండాలి.
* సూర్య భగవానుడికి బెల్లం, ఎర్రని పూలు, రాగి, గోధుమలు తదితర వాటిని దానం చేయాలి.
* జాతకంలో సూర్య బలం కోసం రూబీ రత్నాన్ని ధరించాలి.
* ఏక ముఖి రుద్రాక్షి ధరించండి.
* సూర్యుని అశుభ ప్రభావంతో బాధపడే వ్యక్తి రోజూ గసగసాలు లేదా ఎర్రని పువ్వులతో నీటితో స్నానం చేయాలి.
* సూర్య పూజ సమయంలో ‘ఓం హ్రీం హ్రీం సః సూర్యాయ నమః’ అనే మంత్రాన్ని 108 సార్లు జపించాలి.
* జాతకంలో సూర్యుడిని బలపరచడానికి జ్యోతిష్యుల సలహా మేరకు రూబీ రత్నాలను ధరించాలి.

గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.

Read Latest Astrology News and Telugu News