Mulugu Horoscope: జనవరి 13 రాశి ఫలాలు-ఓ రాశివారికి నూతన ఉద్యోగ అవకాశాలు

మేషం: ఉన్నతస్థానంలో ఉన్నవారికి సలహాదారునిగా రాణించే సూచనలు.. మిత్రులతో కలిసి ఇష్టాగోష్టిని సాగిస్తారు. మొండి బాకీలను రాబట్టుకోవడానికి చేసే ప్రయత్నాలు కొంతవరకు ఫలిస్తాయి. వాహనయోగ సూచన.

వృషభం: అవాంతరాలను అధిగమించి కార్య విజయాలను సాధిస్తారు. సహోదరసహోదరీ వర్గంతో కలిసి సంభాషణలు సాగిస్తారు. వ్యాపార విస్తరణ అంశాలు కలిసొస్తాయి. టెండర్స్ అనుకూలిస్తాయి.

మిథునం: కోపాన్ని, ఆవేశాన్ని మీ అదుపులో ఉంచుకోగలిగితే మంచి ఫలితాలనే చాలావరకు సాధించగలుగుతారు. అనాలోచిత నిర్ణయాలు చోటు చేసుకుంటాయి. ఆదాయ వ్యవహారాలు బాగుంటాయి.

కర్కాటకం: గంటలు గంటలు ప్రతి విషయంలోనూ ఆలోచించే విధానాలకు స్వస్తి చెబుతారు పొరపాటు సమాచారాన్ని విని నిజమని నమ్ముతారు. దుందుడుకుతనం వల్ల నష్టమే తప్ప లాభం ఏర్పడదు.

సింహ మీ ప్రణాళికలు, ఆలోచనలు, పద్ధతులలో నిర్దిష్టమైన రూపాన్ని సంతరించుకోగలుగుతారు. ఆర్ధిక వ్యవహారాలలో నింపాదిగా వ్యవహరిస్తారు. నూతన ఉద్యోగ అవకాశాలు లాభసాటిగా పరిణమిస్తాయి.

కన్య: అనుకూలమైన ఉత్తర్వులను అందుకుంటారు. సంతాన పురోగతి బాగుంటుంది. గృహం మార్పు చేయాలన్న ఆలోచనలు చోటు చేసుకుంటాయి. జీవితభాగస్వామి అండదండలను అందుకుంటారు.

తుల: అధిక ధనవ్యయం ఉన్నప్పటికీ సర్దుబాట్లను చేయగలుగుతారు.. చాలావరకు నేడు మీ అభిప్రాయాలు ఏకగ్రీవంగా ఆమోదింపబడతాయి. వస్త్రధారణ, అలంకరణ పట్ల ఎక్కువ శ్రద్ధను కనబరుస్తారు.

వృశ్చికం: ఉన్నతవిద్య, ఉద్యోగావకాశాలు కలిసొస్తాయి. విధినిర్వహణలో సంతృప్తిని వ్యక్తపరుస్తారు. ఆధునిక కాలానికి తగిన విధంగా వ్యవహారశైలిలో కొన్ని మార్పులను చేయాలని భావిస్తారు.

ధనుస్సు: రిజిస్ట్రేషన్ పనులు సానుకూలపడతాయి. వేచి చూసే ధోరణిని కనబరుస్తారు. ఎగుమతి, దిగుమతి వ్యాపారులకు అనుకూలం. సన్నిహితులలో ఒకరికి మీరు ఆర్ధిక సహాయాన్ని అందిస్తారు.

మకరం: ఓదార్పు కలిగే సంఘటనలు చోటు చేసుకుంటాయి. అభిప్రాయ భేదాలు తొలగిపోతాయి. ఆదాయ పరిధిని విస్తృత పరచుకోవడానికి క్రొంగొత్త మార్గాలు లభిస్తాయి. అనారోగ్య సూచన.

కుంభం: ఒకే ఛట్రంలో జీవితం మూస పోసిన విధంగా సాగుతోందని భావిస్తారు.. కొత్తదనాన్ని కోరుకుంటారు. వినోద కార్యక్రమాలకు ప్రాముఖ్యతనిస్తారు. ఋణయత్నాలు కలిసొస్తాయి.

మీనం: వృత్తిరీత్యా కొన్ని రహస్యాలను తెలుసుకుంటారు. మీలోని శాంత, గాంభీర్య గుణాలు ఉపకరిస్తాయి. ప్రజాసంబంధాలను మరింతగా విస్తృతపరచుకోవడం కోసం ఆరాటపడతారు.