Mulugu Horoscope: జనవరి 17 రాశి ఫలాలు - ఓ రాశివారికి ఉద్యోగావకాశాలు కలిసొస్తాయి

మేషం: మీదే పైచేయిగా ఉంటుంది. మానసిక ఊరట చేకూరుతుంది. వ్యాపారపరంగా లాభాలు, రొటేషన్ల రూపంలో ఉంటాయి. వీసా, పాస్ పోర్ట్ వంటి అంశాలు సానుకూలపడతాయి. శుభవార్తా శ్రవణం.

వృషభం: ఆదాయ, వ్యయాలు, కొనుగోలు, అమ్మకాలు క్రమపద్ధతిలో ఉంటాయి. ముఖ్యమైన కార్యక్రమాల కోసం తేదీలు ఖరారు చేసుకుంటారు. ప్రత్యక్షంగాకానీ, పరోక్షంగాకానీ మిత్రవర్గం వలన లాభపడతారు.

మిథునం: ఎగుమతి, దిగుమతి వ్యాపారాలకు సంబంధించి స్వల్పమైన లాభాలను అందుకోగలుగుతారు. విలక్షణమైన శైలిని కనబరుస్తారు. చాలా విషయాలలో ప్రత్యేకతను సంతరించుకుంటారు.

కర్కాటకం: ఒక విధమైన వేదాంత ధోరణిని కనబరుస్తారు. ప్రత్యేక కారాణాలుండవు. ఇతరుల నుండి సలహాలను, సూచనలను ఎక్కువగా తీసుకుంటారు. ఆర్థికంగా చెప్పుకోదగిన ఇబ్బందులు ఉండవు.

సింహ: ఉన్నతవిద్య, ఉద్యోగావకాశాలు కలిసొస్తాయి. సంకల్పబలాన్ని, దృఢ నిశ్చయాన్ని కలిగి ఉంటారు. అదృష్టం మీద భారం వేసి నూతన కార్యక్రమాలకు శ్రీకారం చుడతారు.

కన్య: పేరుప్రఖ్యాతలను ఇనుమడింప చేసే విధంగా సంఘటనలు చోటు చేసుకుంటాయి. మీ నైపుణ్యాన్ని నిరూపించుకోగలుగుతారు. రచనా, వ్యాసంగాలను సాగిస్తారు. పెట్టుబడులకు దూరంగా ఉండండి.

తుల: దురభ్యాసాలపైన మనస్సు మళ్ళుతుంది. ఆధ్యాత్మికతపైన దృష్టిని సారించడం వలన ఇటువంటి వాటికి దూరంగా ఉండగలుగుతారు. ఆప్తులతో సంభాషణలు సాగిస్తారు. ఆహార నియమాలు పాటించండి.

వృశ్చికం: సౌమ్యంగా వ్యవహరిస్తారు. లౌక్యంగా పనులను చక్కబెట్టుకోగలుగుతారు. అయినప్పటికీ మిమ్మల్ని వివాదాలలోకి లాగబడే ప్రయత్నాలు సాగుతాయి. హడావుడిగా కాలాన్ని గడుపుతారు.

ధనుస్సు: మాటమీద నిలబడే వ్యక్తిగా కొనియాడబడతారు. వృత్తి-ఉద్యోగ, వ్యాపారాలపరంగా అనుకూల ఫలితాలను అందుకుంటారు. భవిష్యత్తు బంగారుబాటగా కనబడుతుంది. స్వల్ప ధనలాభ సూచన.

మకరం: ఎక్కువగా ఆలోచిస్తారు. గణితంలోని లోపాలను పసిగట్టగలుగుతారు. నూతన మార్గాలు కలిసొస్తాయి. స్త్రీల సహాయసహకారాలు లభిస్తాయి. సంతాన పురోభివృద్ధిపై దృష్టి సారిస్తారు.

కుంభం: అనూహ్యమైన సంఘటనలు చోటుచేసుకుంటాయి. లాభించేవిగా ఉంటాయి. సమాజంలోని కొత్త పోకడలు భయంగొల్పుతాయి. వ్యవసాయ భూములను, లేక తోటలను కొనుగోలు చేసే సూచనలు.

మీనం: ఎదుటివారి మనోభావాలను చక్కగా అర్థం చేసుకోగలుగుతారు. మీలోని మితభాషిత్వం, ప్రియభాషిత్వం ఉపకరిస్తాయి. ఆర్ధిక వ్యవహారాలు అనుకూలిస్తాయి. ఔనిత్యాన్ని కలిగి ఉంటారు.