Mulugu Horoscope: ఆగస్టు 19 రాశి ఫలాలు - ఓ రాశి వారు ఆంజనేయుడికి ఆకుపూజ చేయాలి

మేషం :
వృత్తి-ఉద్యోగాల పరంగా అనుకూలంగా ఉంటుంది. సోదరసోదరీ వర్గానికి మీ వంతు సహాయ సహకారాలు అందిస్తారు. స్పెక్యులేషన్ వైపు మొగ్గ్గు చూపుతారు. ఇది లాభించే అంశం కాదు.

వృషభం :
వ్యాపారస్థులకు ఆర్థిక ప్రయోజనాలు బాగుంటాయి. రహస్య చర్చలు, మంతనాలను సాగిస్తారు. ప్రముఖుల అండదండలతో అతి కీలకమైన వ్యవహారాలను చక్కబెడతారు.

మిథునం :
మీ మాటకు విలువ పెరుగుతుంది. ప్రాధాన్యత కలిగిన బాధ్యతలను నిర్వర్తిస్తారు. అనవసర వివాదాలకు దూరంగా ఉంటారు. మనసును ప్రశాంతంగా ఉంచుకోవడానికి ప్రయత్నిస్తారు.

కర్కాటకం :
మిత్రులు లేదా బంధువులకు కొంత ధనాన్ని రుణంగా ఇస్తారు. కోర్టు వ్యవహారాలు మీకు అనుకూలంగా పరిణమించే సూచనలున్నాయి. సొంతవర్గాన్ని బలోపేతం చేసుకునే చర్చలను ముమ్మరం చేస్తారు.

సింహం :
నిష్కారణమైన కలహాలను పరిష్కరించుకోవడానికి మౌనమే శరణ్యం. కుటుంబ సభ్యులు సహాయ సహకారాలు అందిస్తారు. ఆరోగ్య విషయంలో జాగ్రత్తలు పాటించండి.

కన్య :
ఆవేశం కన్నా ఆలోచనకు ప్రాధాన్యమినిస్తారు. ఎవరినీ నొప్పించకుండా జాగ్రత్తగా మసలుకుంటారు. రుణం ఇవ్వడం, తీసుకోవడం రెండూ కలిసిరావు. సకాలంలో చెల్లింపులను చేస్తారు.

తుల :
కష్టసాధ్యమైన పనులను కూడా సులభంగా పూర్తి చేయగలుగుతారు. రాజకీయ వ్యవహారాలకు అనుకూలంగా ఉంటుంది. వాగ్వివాదాలకు దూరంగా ఉంటారు. వ్యాపారస్థులకు అనుకూలం.

వృశ్చికం :
వాయిదా పడుతూ వస్తున్న కార్యక్రమాల్లో సానుకూలత కనిపించే సూచనలున్నాయి. ఆర్థిక ప్రగతి సాధించడం కోసం చేపట్టే చర్చల్లో స్వయం కృతాపరాధాలు చోటు చేసుకోకుండా జాగ్రత్త వహించండి.

ధనుస్సు :
ప్రత్యర్థి వర్గంపై విజయం సాధిస్తారు. వీసా, పాస్‌పోర్ట్ వంటి అంశాలు కలిసి వస్తాయి. ఉన్నతస్థాయి వర్గం వారు కూడా మీ సలహాలను, సూచనలను పాటిస్తారు. స్వల్ప ధనలాభ సూచన. 11 మంగళవారాలపాటు ఆంజనేయస్వామికి ఆకు పూజ చేయించండి.

మకరం :
వినూత్నంగా ఆలోచనలు సాగిస్తారు. స్థిరాస్తుల వ్యవహారాలు ఓ కొలిక్కి వస్తాయి. చాలా విషయాలు మీ కనుసన్నలలో నడుస్తున్నట్లుగా భావిస్తారు. వాహన యోగ సూచన.

కుంభం :
మీలోని ప్రతిభాపాటవాలు వెలుగు చూస్తాయి. పేరు ప్రఖ్యాతలను కలిగి ఉంటారు. గౌరవ ప్రదమైన స్థానంలోని వారితో సత్సంబంధాలు మరింతగా బలపడతాయి. బహుమతులు అందుకుంటారు.

మీనం :
చెవి, ముక్కు, గొంతు సంబంధిత ఇబ్బందులు చోటు చేసుకుంటాయి. భాగస్వామ్య వ్యాపారాల్లో పెట్టుబడులు పెడతారు. ఆర్థిక స్థితిగతులు మెరుగ్గా ఉంటాయి. దైవానుగ్రహం మీపై ఉన్నట్లుగా భావిస్తారు.