Birthday 14 September 2022 ఈరోజు పుట్టినవారి జాతకం వచ్చే ఏడాది వరకు ఎలా ఉంటుందంటే...!

Birthday 14 September 2022 హిందూ పంచాంగం ప్రకారం అయినా, ఇంగ్లీష్ క్యాలెండర్ ప్రకారం అయినా ప్రతిరోజూ ఎవరో ఒకరి పుట్టినరోజు అనేది కచ్చితంగా ఉంటుంది. అయితే కొందరు సెలబ్రిటీల పుట్టినరోజునే మీ పుట్టినరోజు రావడం కూడా విశేషం. ఈ నేపథ్యంలో బుధవారం రోజున ఆయుష్మాన్ ఖురానా పుట్టినరోజు. తనతో పాటు ఈరోజు బర్త్ డే జరుపుకునేవారందరికీ ముందుగా పుట్టినరోజు శుభాకాంక్షలు. ఈ సందర్భంగా ఈరోజు పుట్టిన వారందరికీ రాబోయే ఏడాదిలో ఫలితాలు ఎలా ఉండబోతున్నాయి.. వ్యాపారులకు ఆర్థిక పరమైన లాభాలొస్తాయా? నిరుద్యోగులకు ఉద్యోగావకాశాలు లభిస్తాయా? విద్యార్థులు పరీక్షల్లో విజయం సాధిస్తారా లేదా అనే విషయాలతో పాటు ఇంకా అనేక వివరాలను ఇప్పుడు తెలుసుకుందాం...

వర్ష కుండలి గణన ప్రకారం ఈ ఏడాది మీకు బుధుడు, అంగారకుడు(కుజుడు) అధిపతులుగా ఉంటారు. అంగారకుడు భూమికి అధిపతి, ధైర్యవంతుడు, కోపానికి ప్రతీకగా ఉంటాడు. బుధుడు తెలివితేటలు, సంపదకు ప్రతీకగా భావిస్తారు. ఈ నేపథ్యంలో సెప్టెంబర్, అక్టోబర్ మాసంలో మీరు కొత్త ఇంట్లోకి ప్రవేశించొచ్చు. అదే విధంగా కొత్త వాహనం కూడా కొనే బలమైన అవకాశాలు ఉన్నాయి. మరోవైపు నవంబర్ మాసంలో మీకు శత్రువుల వల్ల కొన్ని సమస్యలు ఎదురవుతాయి. అయితే మీరు వాటికి పరిష్కారం కనుగొంటారు.

Vastu Tips వాస్తు ప్రకారం, ఇంట్లో తాబేలును ఆ దిశలో ఉంచితే డబ్బుకు లోటు అనేదే ఉండదట...!

ఈ ఏడాది డిసెంబర్, వచ్చే ఏడాది 2023 జనవరి వరకు మీ కుటుంబంలో ఏదైనా శుభకార్యాన్ని నిర్వహించొచ్చు. ఈ కాలంలో మీ ప్రతిష్టను పెంచే పనులు కూడా పూర్తి చేస్తారు. ఫిబ్రవరిలో మీరు కొన్ని వ్యాధుల బారి నుండి తప్పించుకుంటారు. మార్చిలో మీ సన్నిహితులు, బంధువులు మీ చుట్టూనే తిరుగుతారు.

ఏప్రిల్ లో మీరు అనవసర విషయాల పట్ల ఆందోళన చెందుతారు. మే, జూన్ మాసంలో ఆర్థిక పరంగా బలంగా ఉంటుంది. జూలై నెలలో మీ వ్యాపారాన్ని విస్తరించే అవకాశం ఉంది. ఆగస్టు మాసంలో ఏదైనా మతపరమైన ప్రదేశాలకు పర్యాటకం నిమిత్తం వెళ్లొచ్చు. ఈ ఏడాది శుభ ఫలితాల కోసం ఆదివారం రోజున 50 గ్రాముల చక్కెరను నీటి బకెట్లో వేసి స్నానం చేయాలి.

- ఆచార్య కృష్ణ దత్త శర్మ