Birthday 19 September 2022 ఈరోజు పుట్టిన వారికి వచ్చే ఏడాది వరకు ఎలాంటి ఫలితాలు రానున్నాయంటే...!

Birthday 19 September 2022 హిందూ పంచాంగం ప్రకారం అయినా, ఇంగ్లీష్ క్యాలెండర్ ప్రకారం అయినా ప్రతిరోజూ ఎవరో ఒకరి పుట్టినరోజు అనేది కచ్చితంగా ఉంటుంది. అయితే కొందరు సెలబ్రిటీల పుట్టినరోజునే మీ పుట్టినరోజు రావడం కూడా విశేషం. ఈ నేపథ్యంలో సోమవారం రోజున తెలుగు కమెడియన్ వెన్నెల కిశోర్, నటీమణులు ఇషా కొప్పికర్, మేఘనా నాయుడు, నమితా ప్రమోద్, జయ భట్టాచార్య, కావ్య మాధవ్, సింగర్, నటుడు లక్కీ అలీ పుట్టినరోజు. వీరితో పాటు ఈరోజు బర్త్ డే జరుపుకునేవారందరికీ ముందుగా పుట్టినరోజు శుభాకాంక్షలు. ఈ సందర్భంగా ఈరోజు పుట్టిన వారందరికీ రాబోయే ఏడాదిలో ఫలితాలు ఎలా ఉండబోతున్నాయి.. వ్యాపారులకు ఆర్థిక పరమైన లాభాలొస్తాయా? నిరుద్యోగులకు ఉద్యోగావకాశాలు లభిస్తాయా? విద్యార్థులు పరీక్షల్లో విజయం సాధిస్తారా లేదా అనే విషయాలతో పాటు ఇంకా అనేక వివరాలను ఇప్పుడు తెలుసుకుందాం...

వర్ష కుండలి గణన ప్రకారం, ఈ ఏడాది అంగారకుడు(కుజుడు), శుక్ర గ్రహాలు అధిపతులుగా ఉంటారు. కొత్త ఏడాదిలో మీరు మిశ్రమ ఫలితాలను పొందుతారు. ఈ ఏడాదిలో మీరు కొన్ని ప్రత్యేక పనులు చేయనున్నారు. సెప్టెంబర్ నెలాఖారు నుంచి అక్టోబర్ వరకు జరిగే పోటీల్లో విజయంతో మీ మనసు సంతోషిస్తుంది. మీకు కొన్ని ఆర్థిక పరమైన సమస్యలు ఏర్పడతాయి.

Remedy for Navagraha Dosha ఈ ధాన్యాలతో నవగ్రహాల దోషాల నుంచి ఉపశమనం పొందొచ్చు...!
నవంబర్ నుండి డిసెంబర్ వరకు మీకు శుభ ఫలితాలొస్తాయి. వచ్చే ఏడాది 2023లో జనవరి, ఫిబ్రవరి నెలలో మీరు చాలా జాగ్రత్తగా ఉండాలి. మీరు ఏ మాత్రం అజాగ్రత్తగా ఉన్నా ఎక్కువ సమస్యలను ఎదుర్కోవచ్చు. మార్చి నెలలో మీరు సాధారణ కార్యక్రమాలలో ఆశించిన మార్పులు వచ్చే అవకాశం ఉంది.

ఏప్రిల్ నుండి మే నెల వరకు మీరు ఏదైనా శుభకార్యాలు ప్లాన్ చేయొచ్చు. జూన్ మాసంలో మీరు అన్ని పనులను కష్టపడి పని చేస్తారు. జూలై నుండి ఆగస్టు వరకు మీరు జ్ఞానం, వినోదం కోసం ఖర్చు చేయడం ఆహ్లాదకరంగా ఉంటుంది. ఈ సంవత్సరం స్త్రీలకు వైవాహిక జీవితంలో సంతోషంగా ఉంటుంది. విద్యార్థులు ఈ ఏడాది పోటీ పరీక్షల్లో మంచి విజయం సాధిస్తారు.

- ఆచార్య కృష్ణ దత్త శర్మ