ఎంత కాలం జీవిస్తారో నుదుటి గీతలు చెప్పేస్తాయ్!

మనుషుల్లో ఏ ఇద్దరి శారీరక లక్షణాలు పూర్తిగా ఒకేలా ఉండవు. కవలల్లో సైతం కొద్దిపాటి తేడాలు ఉంటాయి. నుదుటిపై ఉండే గీతల విషయంలో ఇలాగే తేడాలుంటాయి. ఈ గీతల ఆధారంగా సదరు వ్యక్తి ఎంత కాలం జీవిస్తాడో అంచనా వేయొచ్చు. వ్యక్తి దీర్ఘాయుష్కుడా లేదా అనే విషయాన్ని ప్రాచీనులు ఈ గీతల ద్వారానే గుర్తించేవారు. మనం కూడా నుదుటిపై ఉన్న గీతలను పరిశీలించవచ్చు. నుదుటి భాగాన్ని నూనెతో మర్దన చేసుకొని అద్దంలో చూసుకుంటే ఈ గీతలు కనిపిస్తాయి. కళ్లను నుదుటివైపు కదిలిస్తే అవి ఇంకా స్పష్టంగా కనిపిస్తాయి.

సాముద్రిక శాస్త్రం ప్రకారం.. నుదుటి భాగంలో కనీసం రెండు గీతలు స్పష్టంగా కనిపిస్తుంటే.. ఆ వ్యక్తి 60-65 ఏళ్లు బతుకుతాడని భావించవచ్చు. గీతలు లోతుగా, స్పష్టంగా ఉండటం గొప్ప వ్యక్తిత్వాన్ని కూడా తెలియజేస్తుంది. ఇలాంటి గీతలు ఉన్నవారు పేరు ప్రఖ్యాతులతో పాటు ఏ లోటు లేకుండా జీవిస్తారు. ఈ గీతలు వంగినట్లుగా లేదా కట్ అయ్యినట్లుగా ఉంటే అతడు జీవిత ప్రారంభంలో చాలా కష్టాలను ఎదుర్కోవాల్సి వస్తుందని అర్థం.


నుదుటిపై మూడు గీతలను స్పష్టంగా గమనించగల్గితే.. ఆ వ్యక్తి 75 ఏళ్ల పైబడి జీవించే అవకాశాలు ఉన్నాయి. అతడు జీవితాన్ని ఆస్వాదిస్తాడు. కొందరిలో నుదుటి భాగం చిన్నగా.. లోపలకు చొచ్చుకెళ్లినట్లుగా ఉంటుంది. అలాంటి వారికి నాలుగు గీతలు కనిపించినా.. వారు 75 ఏళ్ల వరకూ జీవిస్తారు. తలభాగం చెక్కినట్లుగా ప్లెయిన్‌గా ఉండే వారిలో ఐదుగీతలను గమనిస్తే వారు పూర్ణాయుష్కులుగా భావించొచ్చు.

నుదుటి భాగంలో ఎలాంటి గీతలు కనిపించకపోతే సదరు వ్యక్తి ఆయుష్షు తక్కువ అని భావించాలి. జీవితంలో కష్టాలను ఎదుర్కోవాల్సి రావడంతోపాటు 45-50 ఏళ్ల వయసులోనే మరణించే అవకాశాలున్నాయి.

కొందరిలో ఒక గీత మరొక గీతను తాకుతున్నట్టుగా ఉంటుంది. అలాంటి వారు 60 ఏళ్ల వరకూ జీవిస్తారు. కాకపోతే అనారోగ్యంతో ఇబ్బందులు ఎదుర్కొంటారు.

ఆథర్: శృతి శ్రీవాస్తవ. పైన పేర్కొన్న అంశాలు ఆథర్ వ్యక్తిగతం మాత్రమే...